Littere Milonis et Guidonis de Leviis.
- A Arch. nat., LL 1157.
- B Cartulaire de Saint-Denis, p. 539.
- a Cartulaire de l'abbaye de Notre-Dame de la Roche, éd. Auguste Moutié, Paris, 1862.
Hugo, Dei gratia beati Dyonisii abbas, et ejusdem ecclesie conventus omnibus ad quos littere iste pervenerint salutem. Universitati vestre notum facimus quod nos partem nostram foreste desuper Ivete et partem nostram de nemore quod dicitur Grenne Reginaldo de Cornilon, preposito Parisiensi ; et domino Miloni et domino Guidoni de Leviis pro octies C. libris vendidimus ; ita quod ab instanti septem annos terminum habent de nemoribus scindendis, vendendis et deliberandis ex toto; ita etiam quod eo ordine quo nemora vendent, nos subsequenter ad ipsa custodienda custodes nostros, ut iterum crescant, instituemus, vel, si nobis placuerit, extirpabimus. Solutio vero denariorum sic fiet a predicto in annum : in crastino scilicet festi sexies viginti ettresdecim libras et sex solidos et octo denarios nobis persolvent ; sequentibus vero annis usque ad sex annos totidem et eodem termino reddere nobis tenebuntur. Hujus vero pecunie de tribus solvendis partibus, quod ad terminos predictos sive occasione reddentur, debitores et plegii sunt, fide interposita, dominus Philippus de Leviis, et Milo et Guido, filii sui. De quarta vero parte debitor et plegius est, fide interposita, prefatus Reginaldus, prepositus. De defectu vero trium partium Philippi et filiorum suorum plegii sunt, fide interposita, Ferricus de Palesiaco, Ferricus de Ateinvilla et Balduinus de Parisia. Nos autem de venditione ista justam ipsis garanciam, sicut devenditione nemoris, portare concessimus. Quod ut ratum permaneat et immutabile,nos cartam hanc inde fieri et sigillis nostris roborari precepimus. Actum .