Travers de Creil.
Raoul, comte de Clermont, échange avec le prieuré son droit de travers à Creil.
- a Cartulaire du prieuré de Saint-Christophe-en-Halatte, éd. Amédée Vattier, Senlis, 1876.
In nomine sancte et Individue Trinitatis. Notum sit universis tam futuris quam presentibus quod ego Radulfus Dei gratia comes Claromontensis et Dominus Brituliensis intuitu Dei et eterne salutis Ecclesiam Sancti Christofori de Halatis a traverso sive pedagio Credulii pro quo dimidium modium vini et duas minas avene annuatim mihi reddere tenebatur perpetuo liberavi et quictam constitui et stabilivi. Eadem vero Ecclesia pratum septem arpennorum sub Montetare inter duas aquas situm quodante possederat mihi in concambium prefati redditus perpetuo possidendum donavit et concessit. Quod ut ratum indubitanter teneatur Guiberti prioris ejusdem Ecclesie et monachorum ipsius petitioni acquiescens presentis scripti testimonio muniri et sigilli mei impressione signari precepi. Nomina testium qui huic constitutioni interfuerunt subnotari feci.
† Signum Hugonis abbatis Flaviacensis.
† Signum Joannis prepositi Sancti Luciani.
† Signum Guiberti prioris Sancti Christofori.
† Signum Ingerani monachi.
† Signum Renaldi.
Agnellum2 Joannis de Monte.
Agnellum Petri de Pratis.
Agnellum Hugonis de Pratis.
Datum per manum Guillelmi Capellani.