Rieux, Maison et Vigne près l'Eglise.
Robert, évêque de Beauvais, approuve l'arrangement survenu entre le prieur et le curé de Rieux au sujet d'une maison et d'une vigne sises à Rieux, près de l'Eglise.
- B Bibl. mun. de Senlis, coll. Afforty, tome X, 5300 - 5301, 73 et XV, 910, 2e Cahier AAAA, p. 12, n. 24.
- a Cartulaire du prieuré de Saint-Christophe-en-Halatte, éd. Amédée Vattier, Senlis, 1876.
Robertus, Dei gratia Belvacensis Episcopus, universis presentes litteras inspecturis, salutem in Domino.
Noverit universitas vestra quod cum controversia esset inter virum religiosum Guillermum, priorem de Caritate, pro se et monasterio Sancti Christofori in halapia sibi pleno jure subjecto ex una parte, et Magistrum Reginaldum d Luzarches, presbyterum de Riu ex altera, super quibusdam domibus cum tota masura, juxta Ecclesiam de Riu sitis, et vinea de Hiannet et uno quarterio quod appendet dicte vinee, que omnia, dictus presbyter dicebat ad Ecclesiam de Riu pertinere ; tandem post multas altercationes inter ipsos habitas, taliter composuerunt coram nobis, quod dictus presbyter de Riu, in predictis se vel Ecclesiam de Riu nichil juris habere recognoscens, ex abundanti tamen, quidquid habebat et habere poterat et debebat pro se et Ecclesia sua in rebus predictis de assensu et auctoritate nostra dicto monasterio Sti Christofori in perpetuum quitavit et remisit. Prior de Caritate, dicto magistro Reginaldo et ejus successoribus qui pro tempore erunt presbyteri de Riu, concessit et donavit pro se et dicto monasterio sanctiChristofori, ut ipse presbyter et ipsius successores de cetero presbyteri de Riu, uvas vinearum suarum de presbyterio de Riu in torcularibus sancti Christofori apud Riu gratis, libere, sine exactione et difficultate qualibet possint et debeant perpetuo pressorare sive triturare. Habebit etiam dictus presbyter pro expensis et damnis suis que exinde habuit, ut asserit, decem libras paris, et sic inter se ad invicem de omnibus debitis et querelis motis quiti remanebunt et immunes. In cujus rei testimonium presentes litteras sigillo nostro et sigillo dicti Prioris de Caritate fecimus communiri.
Actum .