Fulmination des bulles du pape Alexandre VI, en faveur d'Antoine Parent, prieur de Saint-Christophe, faite par Pierre du Coudray, réisdent en cour de Rome.

Anno domini millesimo quingentesimo secundo, die vero vicesima quarta mensis Maii Ego Johannes de Lorme presbyter curiæ silvanectensis, notarius juratus et in præsentia testium infra scriptorum, virtute litterarum seu processus fulminationis venerabilis et scientifici viri Domni Petri de Couldrayo, Ecclesiæ aquensis canonico, mihi notario pro parte venerabilis et scientifici viri domni Anthonii Parentis, prioris prioratus StiChristophori in Hallata cluniacensis ordinis, Belvacensis diœcesis, in iisdem litteris fulminatis principaliter nominati præsentis, et ut cum reverentia adesset per me notarium receptorem, virtute clausulæ de ceterum in iisdem litteris contentæ, posui et induxi in possessionem corporalem, actualem et realem juriumque et pertinentium ejusdem prioratus vener. et discretum virum Magistrum Johannem Chastelli, curatum de Plesseiaco Bellevillæ, Meldensis diœcesis, procuratorem litteratorie fundatum dicti Anthonii Parentis, per ingressum ejusdem, per traditionem clavium, missalis, calicis, ornamentorum, et tactum cornuum altaris et osculum ejusdem, aliisque solemnitatibus in talibus assuetis, nemine ad hoc se opponente nec contradicente, attamen oneribus, chargiis et reservationibus in ipsis litteris latius specificatis et declaratis exceptis. Præsentibus ad hæc venerabilibus et discretis viris fratre Zacharia Parentis, priore Sainte-Martini de Longa aqua, fratre Guillermo Bauchesy, priore de vernolio et subsacrista ejusdem prioratus Sti Christophori, Magistro Galeranno Cornu, curato de Fleurines, Mathurino Peton et Thoma Cornu, barbitonsore, testibus ad præmissa vocatis, teste meo signo manuali hic apposito anno et die dictis.

de Lorme.