Carta Dni Ingelranni de Bova de decima de Alliaco.

Enguerrand, seigneur de Boves, accepte l'arbitrage supra (XCIII) concernant la dîme d'Ailly. « Les religieux, en retour, étendant sur lui la main généreuse de leur charité, lui donnent pour le service qu'il a fait vœu de fournir à l'Eglise d'Orient, trente livres ».

Approuvent Ade, femme d'Enguerrand, et Robert, Thomas et Hugues, ses frères. Témoins : Ricoard, prévôt de S. Fuscien aux Bois ; Eudes, prieur de Boves ; Pierre d'Estrées, etc.

  • B Bibl. nat. de France, Baluze 46, p. 25.
  • C Bibl. nat. de France, Moreau 103, p. 145.
  • a Cartulaire du prieuré de Saint-Leu d'Esserent (1080-1538), éd. Eugène Müller, Pontoise, 1901.
D'après a.

Ingelrannus dominus Bovæ428 XPI fidelibus præsentem paginam inspecturis salutem in Dno. Universitati vestræ notum fieri volumus ut ad posterorum notitiam transmittamus quod, cum causa verteretur inter me et Ecclesiam Sti Lupi de Escherento super quadam decima ad feodum meum spectante quæ colligitur apud Alliacum380 et de qua duodecim modii in quæstione erant quorum medietas est tritici, alia medietas est avenæ, dicti loci monachi asserebant eam nomine elemosinæ sibi fuisse collatam a Symone milite de Claromonte429 et a Domno Ambianensi post modum eidem Ecclesiæ confirmatam. Ego autem usus bonorum virorum consilio, quicquid juris habebam in decima illa in remedium animæ meæ et antecessorum meorum contuli prædictæ Ecclesiæ, ut ejus fratres mihi communicarent suffragium orationum suarum. Ipsi vero extendentes in me suæ caritatis dapsilem manum ad obsequium quod vovi me præstaturum orientali Ecclesiæ, triginta libras mihi dederunt.

Hæc autem compositio approbata est coram Episcopo Silvanectensi392, Crispiaci426 et Stæ Margaritæ427 prioribus super hoc ad arbitrandum receptis. Hoc autem factum uxor mea, Ada et Robertus et Thomas et Hugo fratres mei428 unanimi probaverunt assensu.

Hujus compositionis testes sunt : Ricoardus præpositus Sti Fusciani430, Allelmus ejusdem ecclesie monachus, Odo prior Bovæ, Petrus, Thomas ejusdem Ecclesiæ monachi, Petrus de Estrees431, Petrus de Jumeles386, Petrus de Vilers, Petrus de Glisi432, Gerardus de Luenni433, Petrus de Sordon434 milites, Matheus præpositus Bovœ, Laurentius, Henricus, Bricteus nepotes sui, Robertus major de Belesaises435, Leodegarius, Rennardus, Drogo de Cherisi385.

Datum Bovæ , Nicolao422 procurante prioratum de Escherento.