Carta de decimis territorii quod est inter Mouneus et aquam Tharœ.

Compromis fait par Manassès, trésorier de S. Leu, et Simon de Chambly, chanoine de S. Michel de Beauvais, au sujet de la dîme du territoire qui est entre Mouneus et l'eau du Thérain, laquelle dîme il convient d'adjuger au Prieuré.

  • B Bibl. nat. de France, Baluze 46, p. 27.
  • C Bibl. nat. de France, Moreau 164, p. 152.
  • a Cartulaire du prieuré de Saint-Leu d'Esserent (1080-1538), éd. Eugène Müller, Pontoise, 1901.
D'après a.

Omnibus presentes litteras inspecturis Manasserus thesaurarius Sti Lupi de Escerento et Symon de Chambliaco510 canonicus Sti Michaelis Belvacensis salutem in Dno. Universitati vestræ notum facimus quod cum super contentione quæ mota fuit inter Ecclesiam Sti Lupi de Escerento et capitulum Sti Michaelis Belvacensis super decima territorii quod est inter Mouneus511 et aquam Tharœ in nos a partibus esset compromissum sub pena viginti librarum parisiensum a parte resiliente ab arbitrio parti alteri arbitrium observanti reddendarum, nos de consilio bonorum in dicto arbitrio procedentes diem partibus legitima inquisitione super prædicta contentione præhabita coram nobis assignavimus Belvaci ad audiendum prolationem arbitrii. Qua die procuratore ecclesiæ Sti Lupi pro ipsa Ecclesia et capitulo Sti Michaelis præsentibus, de bonorum consilio decimam prædictam ecclesiæ Sti Lupi supradictæ, arbitrando, perpetuo adjudicavimus.

In cujus rei testimonium et munimen presentes litteras, sigillorum nostrorum appensione communivimus.

Actum in capitulo Sti Michaelis Belvacensis .