Sententia arbitratis inter monachos Sti Lupi et Dnos de Cremoisiaco.
Procès et sentence arbitrale rendue par Jean d'Ully, chancelier de l'Eglise de Beauvais, au sujet des pâturages de S. Leu et de S. Michel, entre Pierre de Cramoisy et Hugues de Sous-Rivière, chevaliers frères, d'une part, et le prieuré de S. Leu d'autre part. L'arbitre juge en faveur du prieuré. Assentiment donné à cette sentence.
- A Original. Arch. dép. Oise, H 2438.
- B Bibl. nat. de France, Moreau 185, p. 202.
- a Cartulaire du prieuré de Saint-Leu d'Esserent (1080-1538), éd. Eugène Müller, Pontoise, 1901.
Universis presentes litteras inspecturis Petrusdnus de Cremoisiaco et Hugo de Subtus Riverias534 frater ejus, milites, salutem in Dno. Noveritis quod cum contentio esset inter viros religiosos priorem et conventum Sti Luppi de Escerento ex una parte et nos ex altera super eo quod prior et conventus dicebant nos nullum jus habere faciendi duci animalia nostra ad pascua Sti Luppi causa depascendi ibidem, tandem de bonorum consilio dicti prior et conventus ex parte una et nos ex altera compromisimus in magistrum Joannem de Ulliaco535 cancellarium Belvacensem Regis Francie clericum super premissis qui per sententiam arbitralem pronunciavit nos nullum jus habere faciendi duci animalia nostra ad dicta pascua causa depascendi ibidem, quam sententiam confirmavimus et approbamus prout in litteris dicti magistri Joannis super hoc confectis plenius continetur. Sed dicti prior et conventus nobis volentes gratiam facere specialem, concesserunt quod utrique nostrum quandiu vixerit, ducet animalia sua vel duci faciet ad dicta pascua causa depascendi ibidem. Et promittimus quod propter hoc nullum jus reclamabimus in predictis pascuis in proprietate seu possessione, et reputamus dictum priorem et conventum nobis gratiam fecisse specialem super predictis.
Actum .