Universis presentes litteras inspecturis, officialis P[etri], ecclesie Parisiensis archidiaconi, salutem in Domino : Notum facimus quod Rogerius, dictus Sutor, de Breteschia, asseruit quod ipse acquisierat res quasdam inferius annotatas, videlicet tria quarteria vinee, sita in territorio quod dicitur Nefflies, in censiva domini de Breteschia, ad tres denarios capitalis census, in festo sancti Remigii, debitos annuatim ; item quandam peciam terre site ad Crucem defuncte Guiburgis, in censiva sancte Genovefe Parisiensis, ad duos denarios et obolum capitalis census ; item quamdam peciam terre site in territorio quod dicitur Bertaut juxta terram monachorum Vallium Sarnaii, ad duos denarios capitalis census Guillelmo Lessie debitos, ut dicebat ; item quoddam arpentum terre site ad fontem de Tegneuse. Quorum siquidem trium quarteriorum vinearum, unum quarterium, videlicet quarterium de Dolle, et terras predictas omnes et singulas recognovit et confessus fuit in jure dictus Rogerus se dedisse et concessisse, donatione inter vivos, in puram et perpetuam elemosinam, ob anime sue remedium et salutem, religiosis viris abbati et conventui Vallium Sarnai, retento tamen eodem Rogero in rebus predictis, quamdiu vixerit, usufructu. Et promisit, etc.......... Promittens sub eadem fide quod si Eremburgis, uxor sua, donacionem istam sive elemosinam voluerit impugnare, quod ipse Rogerus dabit et quittabit, in puram et perpetuam elemosinam, eisdem abbati et conventui terras alias, equivalentes eisdem terris et vinee, de conquestu suo moventes, etc............... Datum anno Domini millesimo ducentesimo Lº septimo, mense octobri.

1 « Talpins.