Omnibus hec visuris, officialis Rothomagensis, salutem in Domino : Noveritis quod cum diceret procurator religiosorum virorum abbatis et conventus Vallium Sarnaii, nomine procuratorio dictorum religiosorum et monasterii sui predicti, contra Riqueudim, dictam la Loisdarde, viduam, relictam Reginaldi Boutefoie, quod cum ipsi religiosi ac eorum predecessores fuissent ac essent in possessione vel quasi percipiendi et habendi, singulis annis, sex boissellos avene et sex boissellos bladi mistilionis, ad mensuram de Vernone, annui redditus, per manus tenentis seu tenentium quasdam terras sitas in parrochiis de Tylly et de Hericuria, alia si necesse esset ostensione declaranda, dicta Riqueudis easdem terras tenuerat et tenebat, et cessaverat in solucione dicti redditus per quinque annos ultimo preteritos, sibi dictum redditum contra eorum voluntatem retinendo, eosdem religiosos et monasterium suum predictum sua possessione vel quasi predicta spoliando et spoliatos detinendo contra voluntatem eorumdem. Quare petebat idem procurator, nomine quo supra, predictam Richeudim condempnari a nobis et compelli ad restituendum sibi suam possessionem, nec non et ad reddendum sibi triginta boissellos avene et triginta boissellos bladi mistilionis de arreragiis antedictis, sub estimatione quanti plurimi valuerat a tempore more, quod estimat idem procurator ad valorem seu summam quadraginta quatuor solidorum parisiensium, rationibus antedictis. Lite super premissis, coram nobis, legitime contestata, jurato de calumpnia posito et responso, testibus productis, receptis juratis corum, attestationibus publicatis, in scriptis redactis et a nobis diligenter inspectis, totoque processu habito coram nobis inter ipsas partes a nobis diligenter inspecto, omnibusque rite peractis, juris ordine in omnibus observato, communicato prudencium virorum ac juris peritorum consilio, concluso in causa, dieque mercurii post Isti sunt dies, ad quam diem citata erat perempter coram nobis dicta Riqueudis contra dictos religiosos ad audiendum jus a nobis reddi in dicta causa, dicta die dictis religiosis coram nobis comparentibus per Lambertum de Sancto-Patricio, clericum, procuratorem suum sufficienter instructum, dicta Riqueude absente, per contumaciam propter quod ipsam reputavimus contumacem, qua reputata contumace ipsam Riqueudim eisdem religiosis condempnamus ad restituendum suam possessionem vel quasi undecim boissellorum et dimidii tam avene quam bladi, de quibus fit mentio in processu, nec non et ad reddendum eisdem pro quinque annis preteritis, pro quolibet, undecim boissellos et dimidium pro tempore predicto, sub estimacione quinque solidorum parisiensium, pro quolibet dictorum quinque annorum, eandem Riqueudim super aliis in petitione eorumdem contentis per nostram diffinitivam sentenciam absolventes, salvis expensis dictorum religiosorum quatenus obtinuerunt in causa predicta. Quod omnibus quorum interest et interesse contigerit, tenore presencium facimus manifestum. Actum anno Domini Mº CCº octogesimo, die mercurii predicta.

1 « Vilers Blesensis.