Universis presentes litteras inspecturis, officialis curie Parisiensis, salutem in Domino : Notum facimus quod Johannotus, dictus Joce, laicus, familiaris religiosorum virorum, abbatis et conventus Vallium Sarnaii, asseruit se, ex propria hereditate parentum suorum, habere, tenere et possidere quatuor arpenta terre arabilis, sita in una pecia, in territorio de Malo Passu, in loco qui dicitur le Tronc, contigua fossato domini de Bordis, moventia de feodo domini de Sarnayo ; item omnem partem seu porcionem ipsum Johannotum contingentem et contingere debentem in quinque arpentis terre arabilis, sitis in una pecia, in loco qui dicitur Tyvernon, contiguis nemori de Tyvernon, in qua quidem pecia terre Alberea ejus noverca habet dotem ad ejus vitam, ut dicebat. Qui quidem Johannotus predicta quatuor arpenta terre in una pecia et dictam partem seu porcionem ipsum in dictis quinque arpentis terre ad presens contingentem et post decessum dicte noverce sue contingere debentem, nec non se et cetera omnia alia bona sua, mobilia, inmobilia, presencia et futura, in viridi et in sicco existencia, ubicumque sint et poterunt inveniri, ac quocumque nomine censeantur, dedit, contulit, ex nunc in perpetuum, donatione facta pure et simpliciter inter vivos, in puram et perpetuam elemosinam, quitavit et concessit, sine spe aliqua revocandi, abbati et conventui Vallium Sarnaii predictis et eorum monasterio, salva dote dicte Alberee, noverce sue, in dicta parte sua dictorum quinque arpentorum terre reversura dictis religiosis et eorum monasterio post ipsius Alberee decessum ; cedens ex nunc et im perpetuum transferens, etc................. In cujus rei testimonium, ad petitionem dicti Johannoti, sigillum curie Parisiensis presentibus litteris duximus apponendum. Datum anno Domini Mº CCº octogesimo nono, die mercurii post festum Omnium Sanctorum. 1 « J. Suessionensis.