Philippus, Dei gratia, Francorum rex, notum facimus universis tam presentibus quam futuris, nos quasdam litteras sigillis dilectorum nostrorum magistrorum Johannis de Donnomartino et Symonis, dicti Bovel, clericorum, sigillatas, ut prima facie apparebat, vidisse, formam que sequitur continentes :

Universis presentes litteras inspecturis, magistri Johannes de Donnomartino et Symon, dictus Bovel, clerici, inquisitores deputati a domino rege super acquisitis a personis ecclesiasticis et ignobilibus, in feodis, censivis, retrofeodis et allodiis domini regis, in prepositura Parisiensi et ressorto ejusdem constituti2, salutem in Domino : Noveritis nos, nomine dicti domini regis et pro eo, composuisse finationem et concordiam fecisse cum religiosis viris, abbate et conventu monasterii Vallium Sarnaii, de rebus et possessionibus infrascriptis que justis titulis acquisivisse dicuntur, pro precio scilicet septies viginti et decem librarum ac quindecim solidorum parisiensium, quas in pecunia numerata recepisse et quo supra nomine habuisse confitemur ; videlicet, titulo emptionis, de domino Johanne de Malorepastu, milite, duo arpenta terre, sita in territorio quod dicitur Savyoron, moventia de feodo de Malorepastu ; item de Johanne de Pomereto1, armigero, titulo emptionis, decem arpenta terre, sita in loco qui dicitur Vallis-Frogerii, moventia de feodo de Lymosiis ; item de Eremburgi, relicta Renoudi Fabri2, titulo quo supra, unum arpentum terre, situm in territorio de Orliaco, movens de franco allodio ; item de Matheo de Orliaco3 dimidium arpentum terre, in territorio de Orliaco, titulo quo supra ; item de Petro Borudot4, dimidium arpentum terre, acquisitum titulo quo supra, situm apud Marliacum ; item de Guillelmo le Tirant,5 quatuor partes dimidii arpenti terre, siti in territorio de Orliaco, moventis de franco allodio, titulo quo supra, et residuum, titulo donationis seu elemosine ; item de Guillelmo, dicto Aubourc6, titulo donationis, duo arpenta terre, sita in campo de Martino, moventia de franco allodio ; item de Johanne, lathomo, dicto de Familia7, unum arpentum prati, movens de feodo domini de Caprosia, militis, titulo donationis ut supra ; item de Stephano Forestario, titulo quo supra, quamdam masuram continentem dimidium quarterium terre vel eo circa, situm apud Marliacum, in censiva Bertrandi de Quesneyo ; item de Guillelmo, dicto Remi, tria quarteria prati sita in Vallibus de Craya, in censiva domini de Marliaco, tempore prime constitutionis per inclite recordationis dominum Philippum, Dei gratia, quondam regem Francorum, progenitorem domini Philippi, Dei gratia, nunc regis Francorum, super hec edite acquisiti ; item de Guillelmo de Malorepastu et Maria, ejus uxore, tria arpenta terre, moventia de feodo de Malorepastu, titulo emptionis, et duo, titulo donationis seu elemosine, moventia de dicto feodo ; item de Petro, dicto Balu, tria arpenta terre, sita in territorio de Ayta, moventia de feodo de Malorepastu, titulo emptionis, et dimidium arpentum, titulo donationis ; item de Johanne de Sarnayo, milite1, viginti sex arpenta terre, sita apud Sarnayum, moventia de feodo castellani de Nealpha, titulo emptionis ; item de Martino, clerico, et Matheo, dicto Asino, quamdam domum, sitam apud Sarnayum, in censiva supradictorum religiosorum, titulo emptionis, que valere estimabatur duodecim solidis redditualibus ; item de Guioto, dicto Maledenree, titulo emptionis ut supra, quoddam herbergamentum, situm in censiva dictorum religiosorum, titulo quo supra, quod estimabatur valere viginti solidis annui redditus ; item de Johanne, dicto Acere, titulo quo supra, tria quarteria et dimidium vinee sita apud Marliacum, in censiva domini Marliaci, titulo quo supra ; item de Guillelmo, dicto Renier, duo arpenta terre, moventia de feodo domini Marliaci, titulo quo supra ; item de Almarico de Malorepastu, clerico, duo arpenta et dimidium terre, sita retro Aytam, moventia de feodo domini de Malorepastu, titulo donationis seu elemosine ; item de tribus arpentis terre, sitis juxta Tambost2, de fratre Adam Anglico, titulo donationis, moventibus de feodo de Malorepastu ; item de Gaufrido Gardiano3, duo arpenta terre, sita juxta Villamnovam, in censiva Symonis, dicti Badaram, et duo arpenta, sita juxta Moncellos, et circiter unum quarterium pasture, moventia de feodo de Malorepastu, titulo donationis ; item de Thoma Anglico, unum arpentum terre, situm in feodo domini de Argolio, titulo donationis ; item de duobus arpentis terre, sitis in territorio quod dicitur la Fochière, moventibus de feodo domini Petri de Nemore, militis ; item de fratre Johanne, dicto Joce4, quatuor arpenta et dimidium terre, sita in territorio de Malorepastu, moventia de franco allodio, titulo donationis ; item de Aalipde de Burgo-Novo5, unum arpentum terre, situm apud Sarnayum, movens de feodo domini Johannis de Sarnayo, militis, titulo donationis ; item de Guillelmo, dicto Bidaut, milite1, pressuram dimidii quarterii vinee et unum denarium censualem, situm apud Buxeriam, titulo donationis ; item de Guillelmo Pilet2, quamdam domum, sitam apud Athies, in censiva Johannis de Trosolio, canonici Parisiensis, titulo donationis, que valere estimabatur decem solidis redditualibus ; item de Roberto de Dieppa, quamdam plateam, sitam apud Montem-Lethericum, in censiva capituli de Linays, titulo donationis ; item de domino Theobaldo de Marliaco, milite, decem libras parisienses reddituales, ad opus cujusdam capellanie in monasterio ipsorum religiosorum jam institute, percipiendas sine dominio, justicia et minuto censu, super omnibus redditibus et possessionibus quas habebat idem miles in villa et territorio de Fontaneto juxta Balneolas, moventibus de feodo domini regis, titulo donationis ; item de Bertaudo Juveni, duo arpenta terre, sita in territorio de Ayta, in censiva Petri, dicti Balu, armigeri, titulo donationis, acquisita a dictis religiosis tempore constitutionis sive ordinationis domini Philippi, Dei gratia, nunc regis Francorum, super hec edite. In quorum testimonium, sigilla nostra, ad petitionem dictorum religiosorum, presentibus litteris duximus apponenda. Datum Parisius, die veneris post festum Ascensionis Domini, anno ejusdem millesimo ducentesimo nonagesimo tercio.

Nos autem compositionem et financiam predictas ratas et gratas habentes, eas, quantum in nobis est, volumus, laudamus ac etiam approbamus, concedentes quod religiosi predicti predicta teneant et im perpetuum possideant, prout superius sunt expressa, absque coactione vendendi vel extra manum suam ponendi, salvo in justicia el aliis jure nostro et quolibet alieno. Quod ut firmum et stabile permaneat in futurum, presentibus litteris nostrum fecimus apponi sigillum. Actum Parisius, anno Domini millesimo ducentesimo nonagesimo tercio, mense augusto.

Sur le repli :

Collatio facta est per me : N. de Longo-Prato.