Mandement a la descharge d'un officier

Charles etc., a nostre amé et feal argentier Denis Duchesne1, salut et dilection. Nous vous mandons et expressement enjoingnons que des deniers de vostre recepte vous paiez, baillez et delivrez a Tel la somme de tant, en quoy nous lui sommes tenus pour etc., que nous avons fait prendre et acheter de lui icelle somme et icelle donnee a Tel 2. Et par rapportant ces presentes et quittance dudit Tel sur ce avec certifficacion dudit Tel, voulons et nous plaist ladicte somme de tant estre allouee en voz comptes et rabatue de vostre recepte par noz amez et feaulx gens de noz comptes ; ausquelz nous mandons que ainsi le facent sanz aucun contredit ou difficulté. Non obstans quelzconques ordonnances, mandemens ou defenses a ce contraires. Donné etc.