Autre quittance par devant un notaire

En la presence de moy, Odart Morchesne, notaire et secretaire du roy nostre seigneur, N. a confessé avoir eu et receu de G., receveur general de toutes finances1, la somme de M, laquele le roy par ses lettres patentes donnees le XIIII^e jour de juing derrenierement passé lui avoit donnee et octroyee pour les causes contenues esdictes lettres. Et d'icelle somme de M s'est ledit N. tenu pour content et en a quittié et quitte ledit G. et tous autres qu'il appartient. Tesmoing mon seing manuel cy mis, en default d'autre personne publique, a la requeste dudit N., le XV^e jour de etc.

[14.6.a] ¶ Les notaires du roy ont bien acoustumé en default d'autre de recevoir quittance en chevauchant et de chevaucheurs ou d'autres parties, pour la hastiveté qu'on ne treuve pas autre ; mais quant on est a requoy2 en bonne ville, ilz n'ont pas acoustumé d'en user et en laissent convenir les tabellions ou clers jurez.