Accesement fait par le couvent de Morievnal de terres sises au Val-Bourgon.

A touz ceus qui ces presentes lettres verront ou orront, Thoumas de Colons prevost de Crespy en Vallois et Jean de Gireline, bourgeois de Crespy, garde dou grant scel de la dicte prévosté de par notre seigneur le roy de France. Salut. Sachent tuit que pardevant nous comme pardevant justice pour y ce faire et accorder vindrent en leurs propres personnes Adam de la Dehors, Jean le Dringue, Ernoul le Dringue, Pierre Gachet de la Fontaine, Jehan le Doyen, Jehannot Corche, Clement Clichet, et Perrin fils Clement, Dami-la-Ville, tous de Fresnoy en-la-Rivière et recognurent chacuns pour tant comme il li touche et puest touchier que il avoient et ont prins et retenu dès mainstenant a tous jours a drois cens et a droite rente perpetuelle de religieuses dames et honnestes l'abbesse et le couvent de l'église Notre-Dame de Morgneval sept arpents un quartier et demy de terre ou environ que ladite église avoit et tenoit comme son propre domaine ou terrouir et vinéoble ou lieu que l'on dit ou val de Bourgon tenant aus Choisiaus et en ont prins et retenus chascuns en droit soit et pour sa portion ce qui s'en suit : Chest a savoir ledit Adam de la Dehors un arpent pour le pris de dena mines et demies d'avaine bal et marchande à la mesure de ladite église et pour une geline de droft cens ou rente chascun an perpétuellement. Item ledit Jean le Dringue demi arpent pour le pris de cinc quarterons d'avaine léal et marchande à la mesure de ladite église et pour une demi geline chascun an de drois cens ou rente. Item ledit Ernoul le Dringue, ledit Pierre Gachet, ledit Oudin Lambert, et ledit Clément Clichet chacun d'iceulz demi arpent pour autel pris chascun d'iceuls comme ledit Jean Dringue. Item ledit Guiart ledit Mme Delafontaine et ledit Jehan le Doyen chascun d'iceuls trois quartiers et demy et neuf perches poure le prix de cinc pichis d'avaine a ladite mesure et une geline de cens ou de rente chascuns an chascun arpent. Item ledit Jehennot Corche un arpent pour le prix dessus dit chascun an. Item Perrin d'Ami-la-Ville, tout le remain de ladite terre, si comme il se comporte seant au desseur dou chemin de Hurleu en une pièce pour le pris de quatre mines d'avaine léal et marchand à ladite mesure et à une geline de droit cens ou de rente chascun an et promistrent li dessus dit preneior chascuns en droit soy et chacuns pourtant comme il li touche et puest touchier par leurs fois de leurs corps bailliées en notre main et sur l'amande le roy à payer dore en avant à tous jours perpetuellement la rente dessus dicte chacun an as dictes religieuses ou à leurs gens en ladite ville de Fresnoy au jour que les gens de la dite Église penront et recevront les rentes de ladite Église en ladite ville et se il avenet en aucun temps que lidit premier ou li aucun d'eulz ou cils qui aueront cause d'eulz vendissent ladite terre soit le dites religieuses y aueront leurs ventes selon la coustume dou païs mes li achaterres ne paieroit fors que petit Roves1 au majeur de ladite Église et est assavoir, que les dismes, usuffruiz des dictes terres seront payées chascun an à ladite Église soient vins ou autres dépueilles et doivent li dit preneur ou ceulz qui aueront cause d'eulz pressourier leurs aisiers2 des vins qui croistront ez dites terres au pressouirs de ladite Église pour au tel pris comme li autres et quant à ce tenir payer et accomplir fermement et enthierement en obligerent li dit preneur chascuns en droit soy sponstant comme à chascun puest touchier la terre dessus dite pour vendre et despendre par la gent dou roy ou de par quelque justice il plaira miex au porteur de ces lettres pour enterriner le fait d'icelles, se deffaut y avoit, renonçant tous le dessusnommez pour tant comme à chascuns touche dou tout en tout en y ce fait expressément à toutes le choses generaument qui a eulz et à leurs hoirs pourroient valoir et aidier et au porteur de ces lettres grever et nuire en tesmoing de ce nous à la requête de diz preneurs avons séellé ces lettres des seaulz de ladite Prévosté, sauf tous droits. Ce fut fait en l'an de grace mil trois cent ving et nuef le jour de fête saint Mathieu en septembre.