L'Archevêque Hugues de Rouen écrit au Roi au sujet de la prétention des moines de Cluny.
- B Francisci Duchesne, Historiæ Francorum scriptores, tome IV, p. 639. Paris: 1641, in-4º.
- a Cartulaire de l'abbaye de Saint-Martin de Pontoise, J. Depoin (éd.). Pontoise: 1895.
Domino suo carissimo Ludovico Dei gratia illustri Francorum Regi, H. suus et Rothomagensis archiepiscopus salutem, honorem et prosperitatem. Abbatia Sti Martini de Pontisara a principio suæ fondationis post Dominationis vestræ Principatum ad Rothomagensem ecclesiam et ad ejus archiepiscopum pertinet singulariter in abbatis electione et consecratione et in omni alio jure.
Nunc autem monachi Cluniacenses nescio qua nova adinventione eam sibi in subjectionem vendicari nituntur. Unde Vestræ Regiæ Sublimitati humiliter supplicamus, quatinus eandem ecclesiam, quæ vestra est, in sua libertate conservari præcipiatis, in ea videlicet quâ nos tenuimus et prædecessores nostri tempore vestro et vestrorum antecessorum.
Conservet vobis Deus vitam et salutem per tempora longa.
