« Domino gloriosissimo atque sanctæ ecclesiæ catholicæ filio, Sigisberto Regi, Sapaudus (arch. d'Arles), Philippus (arch. de Vienne), Priscus (arch. de Lyon), Constitutus (arch. de Sens), Laban (arch. d'Eause), Felix (arch. de Bourges), item Felix (év. de Nantes), Germanus (év. de Paris), Lucretius (év. de Die), Clementinus (év. d'Apt), Syagrius (év. d'Autun), Gallomagnus (év. de Troyes), Optatus (év. d'Antibes), Salonius (év. de Genève), item Salonius (arch. d'Embrun), Quinidius (év. de Bazas), Promotus (év. de Glandève), Silvester (év. de Besançon), Genesius (év. de Sisteron), Polemius (év. d'Agen), Palladius (év. de Saintes), Victor (év. de Saint-Paul-Trois-Châteaux), Sagittarius (év. de Gap), Aunaarius (év. d'Auxerre), Isychius (év. de Grenoble), Claudianus (év. de Riez), Desiderius (év. de Toulon), Heraclius (év. de Digne), Tetradius (év. de Venasque), Pappolus (év. de Langres), Licerius (év. d'Oloron), Leudobaudis (év. de Séez), episcopi. Quantum ineffabili gaudio synodali concilio nuntiatur, quandoquidem a catholico principe res nova pro dilectione Christi concipitur, tantum lamentabile execrandumque censetur, cum in Ecclesia sancta contra Deum et contra Canonum disciplinam dissensio generatur. Nuper etenim, non absque conniventia gloriæ vestræ, sicut credimus, evocati Parisius venientes, novam inauditamque ordinationem in castro Dunensi, parrocia denique Carnotina, factam fuisse cognovimus. Quam rem, licet vix credere possumus cum consensu gloriæ vestræ fieri potuisse, tamen si, cujuscumque prava suggestione præventi, in hac tam obscena et ecclesiæ universæ contraria consensistis, ab hujusmodi scandali defensione sinceritatis vestræ conscientiam expietis : quia satius est ut ille, qui, ambitionis instinctu, rem tam nefariam dolosa ambitione competiit, per satisfactionem pœnitentiæ reatum suum abluere compellatur, quam vestra puritas, quod avertat divinitas, hujus facinoris contagione maculetur. Et quia nobis necesse fuit ut, juxta Canonum constituta, personæ temerariæ deberet præsumptio coerceri, ideo, salutis obsequium digno in Christo officiositatis et reverentiæ cultu præbentes, poscimus ut vos, quos Deus et culmine præcipuos et sinceritate præclaros esse præcepit, non quocumque, aut quorumcumque temerario consilio ad defensanda hujusmodi scandala misceatis : quia Deum sufficit nosse nos nequaquam penitus velle contra vos divinam iracundiam promoveri. Annis multis gloriam regni vestri potentia divina cum omni felicitate conservet, domne gloriosissime et præcellentissime domne.

Data epistola sub die III iduum septembrium, anno xii regum domnorum nostrorum2, Parisius. »