« Capituli Carnotensis, super molendino et prato de Valcellis. »
- A Chirographe original en parchemin. Arch. dép. Eure-et-Loir, G 2618 (ancienne cote : fonds du Chapitre, carton LXXXVI, D, 1).
- B Bibl. nat. de France, carton 28: Livre des Privilèges de l'église de Chartres, p. 88; et carton 28 bis, fol. 40v°.
- C Fragment d'un cartulaire du XVe siècle appartenant à M. E. Lefèvre, fol. 34 r°.
- a Cartulaire de Notre-Dame de Chartres, éd. Eugène de Lépinois et Lucien Merlet, Chartres, 1862.
« Ego Gaufridus, decanus, et universitas Capituli Carnotensis, presentibus et futuris notum facere curavimus, quod controversia que inter nos et servientem nostrum Guillelmum, majorem de Maigneriis, orta erat, super molendino de Valcellis1 et prato quod eidem molendino proximum est2, tali demum compositione ad pacem et concordiam est redacta : concessimus siquidem prenominato majori predictum molendinum, cum molta3 consueta, hereditario jure possidendum, tali scilicet tenore ut ipse et heredes sui, sibi in ejusdem molendini possessionem successuri, Capitulo, singulis annis, pro modiatione, persolvant vi modios annone4, talis qualem accipiemus ab aliis quibus commissa sunt vel erunt cetera Capituli molendina. Ipse autem abjuravit pratum supradictum et concessit illud Capitulo libere et quiete perpetuo habendum. Actum in capitulo nostro, anno Dominice incarnationis MºCºLXIXº. Quod ut ratum et stabile permaneat presenti cyrographo et auctoritate sigilli Beate-Marie placuit roborari. »