« Quod archidiaconus habet juridictionem ecclesiasticam apud Gardees et apud Tyronem, non jure archidiaconatus, sed jure Capituli. »
- B Bibl. nat. de France, carton 28 bis: Livre des Privilèges, fol. 72 r°.
- a Cartulaire de Notre-Dame de Chartres, éd. Eugène de Lépinois et Lucien Merlet, Chartres, 1862.
« Henricus, Carnotensis archidiaconus, omnibus Christi fidelibus presentes litteras inspecturis, in Domino salutem. Noverint universi, presentes pariter et futuri, quod jurisdictionem ecclesiasticam, quam tam in villa de Gardeis quam in burgo monachorum Tyronensium habemus, ad nos temporaliter, quamdiu in partibus illis prebendam nostram habebimus, non de jure archidiaconatus Carnotensis sed de jure Capituli Carnotensis pertinere. Quod ut memoriter habeatur, memorato Capitulo Carnotensi presentes dedimus litteras sigilli nostri munimine confirmatas. Datum anno gracie MºCCºXIIº, mense augusto. »