« Universis presentes litteras inspecturis, Willelmus, cancellarius, Stephanus, archidiaconus, et Johannes Blesensis, archidiaconus Carnotensis, salutem in Domino. Cum inter viros venerabiles decanum et Capitulum Carnotense, ex una parte, et viros religiosos Guidonem abbatem et conventum Beati-Petri Carnotensis, ex altera, super diversis articulis dissensio multiplex haberetur, placuit partibus quod in nos compromitterent et compromissum vallarent legitime sub hac forma...... 1 Nos itaque, de utriusque partis controversiis et querelis, pro bono pacis, bona fide et de consensu partium, taliter ordinamus : Medietas decime de Illeiis, cum jure patronatus ecclesie ejusdem ville eandem medietatem decime contingentis, et quicquid spectabat vel spectaverat ibidem ad monachos, cum omnibus pertinentiis et proventibus, quod petebat Capitulum Carnotense, abbati et monasterio Sancti-Petri Carnotensis jure perpetuo remanebit, nec in hiis, nec in fructibus preterito tempore perceptis, vel in posterum percipiendis, ex eis Capitulum Carnotense aliquid de cetero poterit reclamare. Duos vero presbyteratus ecclesie de Illeiis conferent alternatim monasterium Sancti-Petri et Capitulum Carnotense, quia idem Capitulum habet et tenet ad presens, ex concessione reverendi patris G[aufridi], Dei gracia, Carnotensis episcopi, alteram medietatem ejusdem decime, cum jure patronatus eandem medietatem contingentis et quicquid ibidem olim spectaverat ad episcopatum vel episcopum Carnotensem. Ordinamus etiam ut Capitulùm Carnotense remittat et quittet abbati et monachis Sancti-Petri omne personale et reale quod in dicta medietate decime de Illeiis, vel proventibus, vel pertinenciis ejusdem medietatis decime, et jure patronatus ecclesie ejusdem ville eandem medietatem contingentis, habebat vel habere poterat Capitulum Carnotense. Preter hec ordinamus ut Capitulum Carnotense remittat, quantum in se est, abbati et monachis Sancti-Petri juramentum quod dicebat dictos abbatem et monachos sibi, de liberanda predicta decima cum jure patronatus et pertinentiis, per suas litteras obligatos. Quarum litterarum tenorem presentibus litteris duximus inserendum : ..... 2 Abbas vero et monasterium Sancti-Petri, pro procurationibus, pastillis et potu, quas procurationes idem abbas et monasterium canonicis Beate-Marie consueverant exhibere, annuatim solvent Capitulo viginti quinque libras carnotenses, videlicet xii libras tercia feria Paschalis ebdomade, tredecim libras in festo apostolorum Petri et Pauli et sex denarios in utraque processione, pueris quos cereis contigerit et thuribulo deservire ; quas summas pecunie abbas et monachi tenebuntur suis terminis solvere Capitulo....... De querelis et controversiis quas abbas et monachi habebant contra decanum et Capitulum taliter ordinamus : Prepositure antique de Nogento, de Fontaneto, de Amiliaco, de Belsia, cum omnibus prepositurarum proventibus et redditibus, qui olim fuerunt prepositis deputati, et omnes prepositurarum pertinencie, cum omni suo emolumento et honore, Carnotensi Capitulo, integre et pacifice, in perpetuum remanebunt. Prepositure nove de Normannia, de Masengiaco, de Auversio et de Uno-Gradu, que fuerant olim precarie, cum omni emolumento et honore, novis preposituris remanebunt ; nec abbas nec monachi Sancti-Petri in preposituris antiquis, vel redditibus, seu proventibus et pertinentiis, quas Capitulum Carnotense modo habet, nec in preposituris novis que fuerunt precarie olim, vel in redditibus, seu proventibus et pertinenciis quas novi prepositi modo habent, nec in futuris preterito tempore perceptis vel percipiendis ex antiquis preposituris vel novis aliquid in posterum poterunt reclamare. Ordinamus etiam ut idem abbas et monachi remittant et quitent Capitulo et novis prepositis jus omne, si quid habebant vel habere poterant in antiquis preposituris, vel novis, vel in proventibus, vel redditibus, vel pertinentiis earumdem, vel in fructibus qui futuro tempore percipientur ex eisdem, vel qui ex eis preterito tempore sunt percepti1. Precipimus etiam partibus, in virtute prestiti sacramenti, quod ordinacioni nostre, quam pro bono pacis fecimus, assensum prebeant in presenti et eam observent inviolabiliter in futuro, et de hoc suas patentes litteras ad invicem sibi tradant. Precipimus etiam partibus quod jurent quod hanc ordinationem fideliter et firmiter observabunt, nec contra eam aliquo venire tempore per se vel per alium attemptabunt. In cujus rei memoriam et munimen, presentes litteras auctoritate sigillorum nostrorum fecimus communiri. Actum anno Domini MºCCºXXº quinto, mense julio. »