« Quod nos commodamus fratribus Minoribus locum ad manendum, et ipsi tenentur servare interdicta. »
- A Original en parchemin. Arch. dép. Eure-et-Loir, G 702 (ancienne cote : fonds du Chapitre, carton IX, Q, 1).
- a Cartulaire de Notre-Dame de Chartres, éd. Eugène de Lépinois et Lucien Merlet, Chartres, 1862.
« Nos fratres Minores supplicamus humiliter Capitulo Carnotensi ut, pietate Dei, nobis accomodet locum ad manendum in civitate Carnotensi et concedat nobis de gratia speciali licentiam celebrandi divina. Et ne ecclesia Carnotensis per moram nostram ledatur in aliquo, promittimus quod nichil proprietatis, nichil juris vendicabimus nobis in loco supradicto, immo tanquam hospites et peregrini ibi morantes, manebimus ibi quantum placuerit Capitulo supradicto, et quando dixerit nobis quod recedamus sine omni contraditione recedemus. Promittimus etiam quod licentia celebrandi divina, quam habemus a Capitulo, non utemur nisi quantum et quomodo placuerit ipsi Capitulo : inviolabiliter etiam servabimus interdicta Capituli sepedicti. Promittimus etiam quod nullo privilegio impetrato vel impetrando utemur contra ecclesiam Carnotensem, nec aliquid attemptabimus contra jura ipsius Promittimus et similiter quod nullas oblationes recipiemus ad altare, et si contingat aliquo casu aliquam oblationem recipi ad altare, illa oblatio dabitur sacerdoti in cujus parrocia sumus ; et si contingat, quod Deus avertat, quod non observemus omnia supradicta, nisi resipiscamus, expellat nos Capitulum jamdictum de loco quem nobis accommodavit et auferat nobis licentiam observandi. Et ut hoc scriptum robur optineat firmitatis, ipsum communi sigillo fratrum Minorum de Francia roboravimus. Acta sunt hec . »