Littera de domo quadam sita in Judearia Corbolii quam legavit Gaufridus de Seintriaco.
- B Bibl. de Corbeil-Essonnes, ms. 105, cartulaire du XIIIe siècle.
- a Cartulaire de Saint-Spire de Corbeil au diocèse de Paris, éd. Émile Coüard-Luys, Rambouillet, 1882.
Omnibus presentes litteras inspecturis capitulum Beate Marie Corboliensis salutem in Domino.
Notum facimus universis quod in nostra presentia constitutus Gaufridus dictus de Seintriaco, in ecclesia Sancti Exuperii de Corbolio capellanus beneficiatus, legavit et dedit in puram et perpetuam elemosinam ecclesie Sancti Exuperii Corboliensis ad opus communitatis ecclesie domum suam sitam in Judearia de Corbolio et unum arpentum et dimidium vinee site in territorio de Buinart, ut dicitur ; et predictas domum et vineam concessit in perpetuum predicte ecclesie post decessum suum pacifice tenendas et possidendas. In quorum omnium memoriam et testimonium ad instantem peticionem ipsius Gaufridi presentes litteras sigilli nostri munimine fecimus roborari.
Actum .