« Ego Robertus, comes de Drocis et Montisfortis, et Beatrix, uxor mea, omnibus presentes litteras inspecturis, salutem in Domino. Noverint universi quod cum contentio controversia et dissensio verteretur et esset inter nos ex una parte, et priorem et conventum Sancti Thome de Spernone, Carnotensis diocesis, ex altera, super hiis quod dicti prior et conventus dicebant et asserebant quod equi sive sommarii dictorum prioris et conventus ibant et poterant ire querere et adducere mousturam ad molendinum de Seintcort et adducere dictam mousturam ad dictum molendinum libere et quiete et sine aliqua consuetudine seu redibencia propter hoc nobis facienda seu heredibus nostris, videlicet apud Charmaiam, et apud Spinetum. et apud Passoir, et apud Buxeriam. Nos in contrarium dicentes et asserentes a nobis et per nostros. Per inquisicionem super hoc diligenter factam, inventum est a nobis quod dicti prior et conventus jus habent cum equis suis et sommariis querendi mousturam et adducendi a dictis locis ad dictum molendinum ; et confitemur nos non habere jus prohibendi vel impediendi predictam mousturam sic quesitam et adductam ad dictum molendinum. Et preterea quod plus est si haberemus jus aliquod in prohibendo vel impediendo dictam mousturam sic quesitam et ad dictum molendinum adductam, illo juri renunciamus et quitamus penitus et omnino dictis priori et conventui omne jus vel omnem actionem quam vel quod habemus seu habere poterimus in aliqua prohibitione seu impedicione super premissis facienda, dictis priori et conventus : et omnia premissa et singula prout narrata sunt confitemur esse vera et esse legitime probata coram nobis et promittimus bona fide observare et contra non venire. Et quod firmum sit et stabile presentes litteras sigillorum nostrorum dedimus sigillatas in testimonium et munimen. Datum anno Domini millesimo ducentesimo sexagesimo octavo, mense octobri1. »