« A tous..... Michel de Champront.....bailly d'Espernon, salut. Comme prosès fut meu et pendant en la court de Chastellet à Paris entre frère Clément de Saint Lomer, prieur du prieuré de Saint Thomas d'Espernon, d'une part, et Robert de Garennes, escuier, seigneur de Chantry, d'aultre part, à cause et pour raison de trois quartiers de pré ou environ assis à Saint Martin de Nigelles au lieu nommé Nigelles, tenant d'une part aux hoirs de feu Amaulry de Lille et d'autre part à la rivière de Drouette et d'un bout et d'aultre bout au centier par lequel on va du pont de Pontheon à Esglancourt ; pour feuir et éviter à toute rigueur de prosés, saichent tuit que en la présence de Anthoine Henry..... tabellion..... en la chastellenie dudit lieu d'Espernon..... fut présent..... ledit Robert de Garennes.... lequel... confessa avoir transporté... audit frère Clément de Saint Lomer... tout tel droit, action, possession, saisine... que il a et peult avoir... sur lesdits trois quartiers de pré.... Le présent transport aussy fait par ledit escuier... pour estre acompaigné et participant lui et ses prédésesseurs aulx bienfsaiz, messes, prières et oraissons qui sont et seront dittes ou temps advenir ou dit prieuré..... Donné soubz les sceaulx de la chastellenie dudit lieu d'Esparnon le xxv^e jour d'octobre l'an de grâce mil IIIJº soixante trois.

« HENRY. »