« Robertus, prior de Mestenone, venditionem cujusdam plateœ prope cimiterium sitæ, a Petro dicto Voisine ecclesiæ de Hovilla factam confirmat. »
- A Original avec attaches de sceau en parchemin. Arch. dép. Eure-et-Loir, H 2343.
- a Cartulaires de Saint-Thomas d'Epernon et de Notre-Dame de Maintenon prieurés dépendant de l'abbaye de Marmoutier, éd. Auguste Moutié et Adolphe de Dion, Rambouillet, 1878.
« ..... Officialis curie Carnotensis..... Noverint universi quod frater Robertus, monachius Majoris-monasterii Turonensis, prior de Metenone, in nostra presentia constitutus, venditionem quam Petrus dictus Voisine et Maria, ejus uxor, et Lerudis sorores fecerant, ut dicitur, ecclesie de Hovilla de quadam platea, contigua cimiterio dicte ecclesie, in censiva dicti prioratus sita ad tres denarios censuales ; cujus ecclesie patronatus ad abbatem et conventum Majoris-monasterii predicti dignoscitur pertinere, coram nobis voluit et concessit, laudavit et approbavit et eam ad usagium cimiterii dicte ecclesie in perpetuum quittavit. Ita videlicet quod presbiter qui pro tempore dicte ecclesie deservierit de tribus solidis et novem denariis sinodalibus in quibus idem prioratus, ratione patronatus dicte ecclesie, tenebitur, ut dicitur, per presbiteri dicte ecclesie manum solvendis, eumdem prioratum de cetero acquitabit pro tribus solidis tantum et priorem dicti prioratus deliberabit : et propter hoc dictus prior predictam ecclesiam quittavit in perpetuum de tribus denariis censualibus supradictis. In cujus rei, etc... Actum . »