Donation de l'Eglise de Montmartre au prieuré de S. Martin-des-Champs.

Vir quidam egregius et miles strenuus, Paganus appellatus, a baptismate Walterius, et uxor ejus a baptismate Hodierna comitissa nuncupata, imitari volentes precedentium patrum exempla, de possessionibus suis sancte beati Martini de Campis ecclesie dederunt ecclesiam que sita est in monte qui nuncupatur Monsmartyrum, altare videlicet et capsum, sepulturam et tantum atrii ubi fierent officine fratrum, decime tertiam partem et tertiam partem hospitum, terreque medietatem carruce ad possidendum. Hoc vero publice factum est in supradicta beati Martini de Campis basilica, et super sacrosanctum altare domini est positum a supradicto Pagano et conjuge sua, videntibus cunctis qui aderant, quorum hec sunt nomina : Petrus et Walo, milites ipsius Pagani ; Rotbertus filius Stephani ; Henricus filius ejus ; Walo frater ejus ; Ulrichus falconarius ; Walterius major ; Warinus et Tendo frater ejus ; Hergotus et Herluinus filius ejus ; Drogo nepos ejus, et Herlebodus servi ecclesie ; Albericus ortolanus ; Theobaldus faber ; Bernardus parmentarius ; Arnulfus major rei illius ; Rotbertus pater Johannis presbyteri, et Wiardus filius ejus.

Volens itaque omnipotens Deus, qui est omnium futurorum prescius, ut absque calumnia sua quiete possideret ecclesia, eo disponente, ad ecclesiam beati Martini de Campis, venit Burcardus de Montemaurinciaco, de cujus hoc donum quod fecerat Paganus et uxor ejus erat beneficio, quod et ipse Deo et Senioribus monachis scilicet Cluniacensibus inibi Deo servientibus libenter et libere concessit, et super sanctum altare ipsius sancti Martini, quod est principale, corani cunctis qui aderant donum misit. Hujus rei testes sunt milites ejus qui cum eo venerunt, quique hoc pactum libenter laudaverunt, quorum nomina hec sunt : Hugo filius Theodorici ; Odo filius Odonis ; Hugo de Warenna ; Richardus filius Theodorici ; Philippus de Tresluza ; Wido de Aqua-puta ; Herbertus de Vilers. Nostrorum vero nomina hec sunt ; Wido comes ; Hudo de sancto Clodoaldo ; Willelmus Marmerellus ; Walterius major ; Rogerius filius ejus, Warinus et Teudo fratres ; Helgotus et Drogo nepos ejus ; Herlebodus servi ecclesie ; Walterius et Stephanus custodes equorum ; Rotgerius et Rotbertus sartores ; Bernardus parmentarius ; Bernardus hospitalis. Hoc autem factum est regnante in Gallia Philippo, Cluniacensis ecclesie Hugone existente abbate, apud Campos sub eo Ursione priore, Wilelmo episcopo urbis Parisiace  anno Dominice Incarnationis M. CXVI, indictione IV. Qui hec supradicte ecclesie abstulerit erit anathema.