Donation de l'Eglise de Montmartre au roi Louis VI, et à Adélaïde sa femme.

A Arch. nat., LL 1030. Parchemin, xiii^e siècle.

a Recueil des chartes de l'abbaye royale de Montmartre, éd. Édouard de Barthélémy, Paris, 1883.

D'après a.

In Christi nomine.

Ego Teobaldus prior beati Martini de Campis, totusque ecclesie conventus notum fieri volumus tam futuris quam presentibus, quatinus ecclesiam Montis martyrum cum suis appendiciis Ludovico Dei gratia Francorum regi, et Adelaidi eadem gracia regine, et Ludovico eorum filio jam in regem sublimato anno IIIº, ad hoc scilicet donavimus et concessinus, ut eam sanctimonialibus Deo famulantibus donarent et perpetuo concederent ; donavimus etiam eis ad hoc idem capellam de sancto Martyrio1, et culturam Morelli, et domum Guerrici cambiatoris sicuti eam habebamus et tenebamus. Rex autem Ludovicus ecclesie beati Martini de Campis et nobis ecclesiam beati Dyonisii2 donavit, et habendam perpetuo concessit. Quod ut ratum et firmum permaneat in sempiternum, scripto commendavimus, et ne possit a posteris infirmari, sigilli nostri auctoritate subterfirmavimus. Actum publice in capitulo beati Martini anno incarnati verbi Mº Cº XXXIIIº regnante Ludovico anno XXVIIº. — Signum Theobaldi prioris ; S. Odonis subprioris ; S. Gislemeri tertii prioris monachi ; S. Petri a secretis ; S. Manasserii a secretis1.