Donation d'un arpent de vigne à Sévres par Paien Du Bosc, chevalier.
- A Original en parchemin, scellé d'un sceau à moitié rompu.
- a Recueil des chartes de l'abbaye royale de Montmartre, éd. Édouard de Barthélémy, Paris, 1883.
In nomine Domini amen. Ego Mauricius Dei gracia Parisiensis episcopus, notum fieri volumus universis tam presentibus quam futuris quod Paganus de Bosco miles, in presencia nostra constitutus, ecclesie Montis-martirum in elemosinam concessit assensu uxoris sue Aveline, ut arpennum unum vinee apud Saives situm in perpetuum possideret, ita ut neque ab ipso neque ab heredibus suis dicta ecclesia vineam illam vendere cogeretur invita. Preterea prefatus miles acceptis de beneficio ecclesie solidis XXti, pressuram ipsam ejusdem vinee in perpetuum sepedicte ecclesie donavit, nichil potestatis in tota vinea retinens preter censum VIII denariorum, quo soluto, sanctimoniales militi illi vel successoribus suis quantum ad vineam illam in nullo respondebunt. Testes interfuerunt : Theobaldus abbas Herivallensis, Bernerius decanus de Mosterolo, Frater Daniel, Nicholaus, Petrus decanus de Gonessa, Garnerius prepositi de Sancto Clodoaldo, Forcoins de Lai, Arnulfus de Monte-martirum. — Actum apud Sanctum Victorem ; quod ne valeat sigilli nostri oblivione deleri vel levitate qualibet infringi, scripto commendavimus et sigilli nostri auctoritate confirmavimus.