Donation d'une maison aux Hospitaliers de Paris, à condition qu'ils serviront au chapelain de la chapelle du Martyre une rente de cent sols.

  • B Copie du xvie siècle, sur un cahier de quelques feuillets, où se trouvent à la suite les copies de la donation dont il est question dans l'acte précédent, et de l'homologation de ladite donation par l'évêque de Paris. Ces deux dernières pièces sont de l'an 1181.
  • a Recueil des chartes de l'abbaye royale de Montmartre, éd. Édouard de Barthélémy, Paris, 1883.
D'après a.

Notum sit omnibus hominibus tam futuris quam presentibus, quod dominus Ebroinus et uxor ejus Agnes et frater ejus Johannes de Gorneio vendiderunt domine Constantie Dei gratiæ Sancti Egidii comitisse quamdam domum quam habebant Parisius super magnum pontem sitam, pretio centum quadraginta librarum et C solidorum parisiensium monete. Hanc autem domum prenominata Comitissa pro animabus patris et matris sue, et pro anima fratris sui Ludovici bone memorie Francorum regis, et etiam pro redemptione anime sue in elemosinam contulit sancto hospitali de Jherusalem sub hac videlicet conditione quod procurator domus hospitalis parisiensis quicquid de predicta domo evenerit centum solidos capellano quem domina comitissa ecclesie Sancti Martirii que dicitur Mons-martyrum ibi constituet, qui pro scriptis animabus et pro benefactoribus suis super altare sacrificium Domino obtulerit, XXV solidos, XXV solidos, XXV solidos, XXV solidos annuatim persolvet post obitum domine comitisse Capellano, quem in predicto loco domina abbatissa Montis-martyrum assensu totius Capituli sui posuerit, predicti nummi dabuntur. Ut autem hec in memoriam et testimonium habeantur, etne malignorum hominum dolosa machinatione possint obnubilari, Ego Rogerus de Molendinis Dei gratia hospitalis Hierosolimitani magister, de consensu fratrum nostrorum presentem paginam annotari fecimus et sigilli nostri testimonio roborari precepimus. Actum fuit hoc coram domino Mauricio parisiensi episcopo , videntibus et testantibus fratribus nostri in Gallia priore fratre Anselmo et fratre Petro parisiensi capellano, et fratre Girardo parisiensi commendatore, et fratre Petro nostro capellano, et pluribus aliis quorum nomina subticemus.