Donation par Philippe-le-Bel, de 20 liv. par. de rente annuelle à la Chapelle des Martyrs.

  • A Original en parchemin ; sceau rompu en deux morceaux, mais adhérent à l'acte.
  • a Recueil des chartes de l'abbaye royale de Montmartre, éd. Édouard de Barthélémy, Paris, 1883.
D'après a.

Philippus Dei gracia Francorum rex, Notum facimus universis tam presentibus quam futuris quod cum Hermerius de Monte-martirum dilectus scutifer noster, et Katerina ejus uxor, ob sincere devotionis affectum quam ad sacrum locum Capelle Martirum prope abbatiam monialium de Monte-martyrum hactenus habuerunt, quemdam capellanum ad modicos et minime sufficientes redditus in ipsa capelladiu institutum de suis bonis ditare, et aliam capellaniam fundare ibidem proponant, ut cultus divinus inibi augmentetur. Nos eorum laudabile propositum attendentes ac considerantes attentius quod redditus jam instituti capellani predicti adeo sunt tenues et exiles quod sufficienter non potest ex eis sustentari, quodque conjuges supradicti tam salubre suum propositum perficere sine gravi dispendio rerum suarum non possunt, ob nostre et carissime consortis nostre et parentum nostrorum remedium animarum, necnon devotionem et reverentiam quas ad gloriosum martirem beatum Dyonisium, socios ejusdem et alios martires qui palmam martirii receperunt ibidem habemus, viginti libras parisiensium annui et perpetui redditus in thesauro nostro Parisius capiendas annis singulis, terminis infrascriptis, medietatem videlicet in festo omnium sanctorum, et aliam medietatem , concedimus et donamus, dividendas per eosdem conjuges et perpetuo assignandas duobus capellanis qui in dicta capella divinum officium celebrabunt juxta ordinationem et dispositionem conjugum eorumdem. Concedentes nichilominus quod iidem capellani et successores sui redditum supradictum secundum ipsorum conjugum ordinationem perpetuo et hereditarie teneant et possideant pacifice et quiete, absque coactione vendendi vel extra manum suam ponendi, et sine prestatione financie cujuscumque, salvo in aliis jure nostro et in omnibus jure alieno. Quod ut ratum et stabile in perpetuum perseveret, presentibus litteris nostrum fecimus apponi sigillum. Actum Pissiaci .