Vente au chapitre par Etienne Le Coche, clerc, pour 36 livres tournois, de sa dîme en 17 arpents et demi de vignes à Solereau, près l'Orme-Saint-Aignan.
- A Original sur parchemin. Arch. dép. Loiret, G 336.
- a Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
Omnibus presentes litteras inspecturis, officialis Aurelianensis salutem in Domino. Noverint universi quod constitutus coram nobis magister Stephanus Le Coche, clericus, vendidit venerabilibus viris decano et capitulo Aurelianensibus pro triginta et quinque libris parisiensium, de quibus in numerata pecunia tenuit se pro pagato, quandam decimam suam non afforatam in decem et septem et dimidio arpentis vinearum sitis in loco qui dicitur Solereau versus ulmum Sancti Aniani, et novem solidos census annui, duabus denariatis et obolo minus, super easdem vineas libera, quieta et immunia ab omni dominio et honere et qualibet exactione, fide prestita in manu nostra promitens quod circa dictam venditionem per se vel per alios decetero non veniet, immo ad usus et consuetudines Aurelianenses dictis emptoribus legittime garantiret. De dicta autem venditione Johanues Imperatoris et Johannes Mercatoris, milites, et Odo Cointet, canonicus Magdunensis, per fidem ad mandatum et preces dicti Stephani Le Coche se plegios statuerunt. In cujus rei memoriam et testimonium presentes litteras ad petitionem dictarum partium sigillo curie Aurelianensis fecimus roborari. Actum .