6 février 1296. Cartulaire. Sainte-Croix d'Orléans. Cartulaire de Sainte-Croix d’Orléans (814-1300), contenant le « Chartularium ecclesiae Aurelianensis vetus », suivi d’un appendice et d’un supplément, par Joseph Thillier et Eugène Jarry, Paris : Alphonse Picard et fils, 1906, CXIX-634 p., 2 pl. h.-t. (Mémoires de la Société archéologique et historique de l’Orléanais, 30).

6 février 1296

Fondation par le chanoine Guillaume Boulain de son anniversaire à Sainte-Croix, qu'il gratifie dans ce but de 7 muids 1,2 d'avoine et 36 gélines de taxes à Faveroles. Il s'en réserve l'usufruit pendant sa vie.

A Original sur parchemin. Arch. dép. Loiret, G 376.

a Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.

D'après a.

Universis presentes litteras inspecturis officialis curie Aurelianensis salutem in Domino. Notum facimus quod coram magistro Guillermo de Bosco communi, clerico, curie Aurelianensis notario jurato, ad hec que sequntur a nobis specialiter destinato, cui plenam fidem super hiis et majoribus adhibemus, constitutus vir venerabilis Guillermus dictus Boulains, canonicus ecclesie Aurelianensis, certus, sciens, providus et sponneus, ut asserebat, donavit et concessit imperpetuum venerabilibus viris decano et capitulo ecclesie Aurelianensis, ejusdem ecclesie nomine, pro anniversario suo in eadem ecclesia perpetuo celebrando, redditum quendam [quem] possidebat et se possidere asseruit idem canonicus in villa de Faveroliis super hospites decani et capituli predictorum, qui redditus dicitur taxamentum avene et gallinarum, quod quidem taxamentum estimatur circa septem modios cum dimidio avene ad mensuram Aurelianensem et triginta sex gallinas1, in quorum quolibet modio sunt tresdecim mine ad memoriam predictam, et quod siquidem taxamentum seu quam avenam et quas gallinas singulis annis percipiendas et habendas in dicto loco emisse dicitur idem Guillelmus Boulains a Gaufrido dicto de Codrayo, Gaufrido dicto Pichot de Brueria, armigero, ac Johanne dicto de Codrayo, exequtoribus testamenti et ultime voluntatis deffuncti Guillermi de Codrayo, quondam armigeri, nomine exequtorio, et a nobili muliere domina Avelina, quondam matre dicti deffuncti Guillermi, ac Odone, filio domine supradicte, necnon et a Johanne dicto Espyvant et Margareta, tunc ejus uxore, prout in nostris aliis litteris super hoc confectis vidimus et dinoscitur plenius contineri, retento tamen ab eodem canonico in predictis, quamdiu idem Guillermus Boulains vixerit, usuffructu, jus, proprietatem, possessionem et dominium dictarum rerum exnunc in dictos donatarios, nomine quo supra, totaliter transferendo, et nichil sibi juris in premissis nisi solum usuffructum predictum ulterius aliquatenus retinendo, volens et concedens coram dicto jurato nostro prefatus Guillermus Boulains ex certa sciencia quod dicte donatio et concessio exnunc perpetuam obtineant roboris firmitatem. Promittens, etc... In cujus rei testimonium et memoriam firmiorem ad relacionem dicti notarii sigillum Aurelianensis curie duximus presentibus apponendum. Datum et actum presentibus venerabilibus et discretis viris magistris Guillermo de Farunvilla et Johanne Aguietardi, canonicis Aurelianensis ecclesie die martis post festum Purificacionis beate Marie Virginis, anno Domini millesimo ducentesimo nonagesimo quinto. Constat nobis de interlineamento et triginta sex galline. Dat. ut supra.

Guillermus.