U. p. l. i. frater Milo, humilis prior Sti Martini de Campis Paris., et ejusdem loci conventus, eternam in Domino salutem. Notum facimus quod nos, attendentes devocionem et dilectionem quam habet et habuit in ecclesia nostra Sti Martini, erga divini cultus officium, karissimus frater noster Philippus, ecclesie nostre Sti Martini armarius, zelantes etiam ejusdem divini cultus decorem et devotionem de die in diem multipliciter et salubriter ampliari, conventus nostri et nostro ac omnium priorum nobis inmediate subjectorum, in presencia nostra in generali capitulo congregatorum, super hoc interveniente consensu ; eidem armario et ejus successoribus, futuris armariis ecclesie nostre predicte, dedimus et concessimus vinginti solidos paris., habendos et ex nunc in posterum percipiendos ab eodem Armario vel ab illo qui pro tempore armarius erit, in ecclesia nostra Sti Martini, super domum Fratrum de Trinitate, juxta vicum Calceye, qui ducit apud Sanctum Dyonisium in Francia, in festo Nativitatis Dominice, annuatim in usum et necessitatem dicti armarii et successorum suorum utiliter committendos. Preterea in eodem generali capitulo — — statutum extitit — — quod omnes et singuli tam ballivi quam priores qui eidem armario et ejus successoribus armariis, ex consuetudine in ecclesia nostra predicta antiquitus observata, tenebantur in duobus solidis paris. annuatim, ipsi tam ballivi quam priores — — ex tunc in posterum quinque solidos paris., computatis duobus sol supradictis, predicto armario — — in crastino festivitatis sancti Martini hiemalis solvero tenebuntur — —

Datum anno Domini Mº CCº LXº primo, in crastino festivitatis beati Martini hyemalis.