Omnibus ad quod presens scriptum pervenerit, Willelmus, Dei gratia, Exonensis123 episcopus, salutem in Domino. Noverit universitas vestra quod nobilis vir Joel, filius Alvredi, pro salute anime sue et patris sui et matris sue, et omnium parentum et amicorum suorum, constituit quandam obedientiam monachorum Cluniacensium apud Barnathab'a, ad honorem Dei et Domini nostri Ihesu Xristi, sancteque Marie et sanctorum Apostolorum Petri et Pauli et sancte Marie Magdalene, et ipsam obedientiam ecclesie Sti Petri de Cluni et ecclesie Sti Martini de Campis subdidit, ad quam divina providente clementia, devotus confugere et in ea habitum monastice religionis suscipere disposuit. Et quia ex voto tenetur ecclesie Ste Marie Magdelene extra castrum suum de Barnast'b fundate, tantum beneficii conferre, ut sacer monachorum conventus constitui et sustentari possit, ad sustentationem ipsorum quasdam particulas terre sue donavit eis, scilicet : Pillonam cum bosco et marisco, et Pillandam, utrasque liberas et quietas, cum omnibus appenditiis suis, sicut ipse umquam liberius et quietius habuit et tenuit. Donavit etiam eis molendinum de Barnest' liberum et quietum, cum moltura tocius ville et castelli, ita quod burgenses ad alium molendinum, molendino monachorum integro existente, molere non poterunt ; et totam terram extra muros que est inter portam de North et portam de Yest, simul cum fosso usque ad contiguam viam, et totam aquam, prout terra eorum extenditur ; et totum tractum piscium ipsius aque, tam in terra monachorum quam in terra sua proxima. Ipsis quoque monachis concessit exclusam piscarie in terra sua firmare, in quantum terra eorum extenditur ex altera parte aque. Insuper autem concesit ipsis monachis ut omnes terras suas et homines et possessiones et elemosinas quas habent, vel imperpetuum jure ac legaliter adquirere poterunt, infra fines tocius terre ipsius et feudi sui, habeant et teneant solutas, liberas et quietas ab omnibus exactionibus, hundriisc, placitis, querelis et omni servicio et opere servili, et omnibus consuetudinibus que excogitari potuerunt. Si quid vero forefacti vel querele inter homines monachorum inciderit, monachi plenarie de qualibet causa, curiam suam et justiciam habebunt propriam et emendationem. Et quia memoratus Joel hec predicta prefatorum monachorum sustentationi minime sufficere estimavit, divini amoris instinctu, totam ecclesiam Sti Petri de Barnast' cum omnibus pertinenciis suis, capellis, decimis, obventionibus, et omnimodis fructibus, et cum capella Sti Salvii et oblationibus suis, per manum nostram et per assensum nostrum in proprios usus monachorum habendam, et in perpetuam elemosinam possidendam donavit, et jure proprietatis transactavit ; et duas partes decime sue de Freminton' et totam decimam piscium ; que omnia sepedic tis monachis donavit, et sigillo suo confirmavit ; ita quod in eos nec sibi nec alicui ex heredibus suis aliquid violente potestatis exercere licebit ; nisi tantummodo contra adversantium molestias defensionis auxilium.

Quod ne tractu temporis vel malignantium versuciis in dubium revocetur, ego sicut diocesanus episcopus, ad petitionem jam dicti Joelis, presenti scripto et sigilli mei appositione ipsis monachis concessi et confirmavi, hiis testibus : Ascelino archidiacono, Osberto capellano episcopi, et aliis.