In nomine sancte et individue Trinitatis. Ecclesie de Gornaio, imperpetuuma. Ego Ludovicus, Dei gratia, Francorun rex. Jura possessionum ecclesiasticarum quas, ex debito administrationis regie, decet nos protegere, in lucem volumus deducere astipulatione nostre scripture, patris nostri bone memorie regis Ludovici emulantes exemplum, qui sigillo sue auctoritatis ecclesie Beate Marie de Gornaio72 fundatorum ejus et aliorum benefactorum firmavit elemosinas et donaria : videlicet ipsam ecclesiam cum clansuris et cum omni adjacente ambitu ; capellam de Gornaio, terram de Luabum286, molendinum apud Gornaium ; villamb Russiacum64, ecclesiam, nemus monachis et eorum hospitibus ad ardendum et hospitandum et ad proprie necessitatis usum ; Nusiellum63 et ecclesiam cum omnibus pertinentiis, scilicet hospitibus, terris, pratis, vineis, nemore et molendino ; decimam de Bercorellis,c decimam de Bercheriisd cum atrio ; totam decimam dee Pontalz64 ; apud Torci285 medietatem decime que dicitur Sancti Martini ; ecclesiam Essonie267 cum decima et atrio, et hospitibus in atrio manentibus ; apud Canoilum donum Alberti de Bri256, quicquid habebat ibi proprium, eccelesiam cum decima, prata, terram et nemora ; in vodo quod est inter Gornaium et Kalam, xv arpenta pratorum ; et terram et nemus de Campomussoso, terram et nemus quod dicitur Raimundi. Que omnia cum pater meus Rex predicte ecclesie firmaverit et monachis, Nos proinde rata habentes, in perpetuum confirmavimus.

Ceterum Galerannus, comes de Mellento, consanguineus noster363, proventu conjugali terram de Gornaio adeptus, uxoris sue Agnetis assensu, eidem ecclesie multa contulit beneficia : decimas omnium denariorum de Gornaif, de Cauda253, de Torci285, de Braio, de Villanova et de toto honore ad Gornaium et Caudam pertinente. Similiter omnes decimas omnium bladorum suorum de eodem honore in molendinis et in omnibus redditibus. Decimam vini de Villanova et de tribus modiis vini de Torci285. Decimam tocius redditus quem habet Parisius. Decimam ejus quem habet Medante. Apud Mellentum unumh modium salis. Medietatem duorum molendinorum que Gornai communiter cum monachis habebat, exceptis duobus modiis et dimidio frumenti, et tantumdem multurengie et duodecim solidis pruveniensibusj. Consuetudinem veniendi ad molendina, ab hominibus de Gornaio et Gagniaco345 dedit comes ecclesie, tali modo quod si qui frangentes consuetudinem ad alia molendina ire sive redire inventi fuerint, habent monachi sive famuli eorum potestatem capiendi eos et summarios eorum cum annona vel farina ; homines vero, quos ceperint, ad prepositos castelli, ad faciendam de eis justiciam adducent. Monasterium de Cauda253 et furnum, terram Ulrici janitoris, de Cauda liberam a censu quinque solidorum. Piscatoriam suam de Torci285 quamdiu dominus castri absens fuerit. Apud Russiacum64 censum vii solidorum, donum domine Agnetis de Livriaco358. In molendinis de Duvera, dimidium modium, medietatem frumenti, medietatem multurengie, quam emerunt monachi a filia Ambasaci364 per assensum comitis. Hec omnia ecclesie de Gornaio collata concessimus et laudavimus, et ut omnino et in pace ea teneant et quiete, scripto et sigillo regio muniri, et nominis nostri karactere precipimus.

Actum puplice Parisius, anno ab Incarnatione Domini, M. C. LVIIº, consecrationis nostre XXº VIº. Astantibus in palatio nostro quorum subposita sunt nomina et signa. S. comitis Theobaldi, dapiferi nostri. S. Guidonis, buticularii nostri. S. Mathei camerarii. S. Mathei constabularii.

Data per manum Hugonis (1) cancellarii.