Hugues IV, comte de Saint-Pol, et sa femme Yolend fixent à dix le nombre des moines qui résideront au prieuré d'Encre.
- A Original perdu.
- B Copie de 1209, Arch. nat., LL 1351, fol. 117', incomplète et non collationnée.
- C Copie du xve s., Arch. nat., LL 1352, fol. 128, d'après B.
- D Copie du xvie siècle, Arch. nat., LL 1353, fol. 146, d'après B.
- E Copie du xviie s., Coll. Duchesne, LXXI, 63, d'après B.
- a Marrier, Monasterii Sancti Martini a Campis historia, p. 301, d'après A.
- b Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
H[ugo] comes Sancti Pauli et Y[olens] uxor mea, universis Xristi fidelibus in perpetuum. Cum sepenumero inter nos, ex una parte, et Priorem et conventum Sancti Martini de Campis, ex altera parte, fuisset litigatum super numero monachorum instituendorum in ecclesia Sancti Gervasii de Encra88 pro divinis officiis ibidem digne et laudabiliter celebrandis ; ad bonum pacis hinc inde eodem animo concurrentes, et pari consensu confirmantes, constituimus et concessimus ut de cetero in octo monachis ibidem manentibus deservirent. Et cum adhuc duo canonici ejusdem loci superstites essent, firmavimus etiam ut, eis de medio sublatis, duo monachi eorum loco substituantur ; ita quoda, quando alter illorumb canonicorum diem clauserit extremum, unus monachus, loco illius, incontinenti subrogabitur ; et sic deinceps in perpetuum in honore Domini denariusc monachorum numerus adimpletus perseverabit. Quod si, aliquo casu seu per aliorum negligentiam, istud minus fuerit observatum, dicti monachi concesserunt ut nos vel heres noster dominum Ambianensem episcopum super hoc requiramus, quatinus ab illis hoc emendari faciat ; et si, ad ejus mandatum, infra quadraginta dies, id emendare contempserint, volunt quod dictus episcopus ipsam ecclesiam Sancti Gervasii et reliquas ecclesias suas parrochiales ad illam ecclesiam spectantes in episcopatu suo interdicat, et interdictas teneat donec ad plenum quod minus justum fuerit, corrigatur ; salvo privilegio ordinis Cluniacensis, quodd eis a Sede apostolica est indultum ut, in ecclesiis suis interdictis, submissa voce, januis clausis, non pulsatis campanis, divina possent officia celebrare. Si vero nos vel noster heres - quod absit ! - contra hanc pactionem nostram et suam venire presumpserimus, concessimus et obnixius rogavimus dominos Ambianensem, Attrebatensem et Morinensem episcopos ut nos, vel heredem nostrum, quem contra hoc venire contingeret, excommunicationi, et universam terram interdicto precisa dilatione postquam ab illis super hoc fuerunt requisiti, supponante. Ut autem hoc ratum sit, perpetuamque obtineat firmitatem, presentem paginam sigillorum nostrorum appositione dignum duximus roborari.
Actum .