Je Jehan Poucina chambellan du roy et sire de Bailluel102, fois savoir a tous ceulx qui ces presentes lectres verront et orront, que jay donné et octroyé en nom de pur eschange ou de permutacion, à homme religieux et honneste, au Prieur de la prioré de St Martin des Champs de Paris, une maison laquelle je tenoie, avoie et poursievoie à Beaumont, en une pieceb qui est appelée la Sengle, derriere les murs de lad. ville de Beaumont, pour une hostisse avec les appartemens dicelle, que ledit Prieur avoit, tenoit et pousievoit ou nom de ladite prioré à Bailluel ; en icelle maniere que led. Prieur, ou nom de ladite prioré, la dite maison si comme elle se comporte aura, tendra et poursievra delivrement, paisiblement et sans contredit et sans nul rappel de moy ne de mes hoirs des ores en avant. Et promectz audit Prieur ou nom de ladite prioré, la maison dessusdite si comme elle se comporte en lonc et en lé, garantir et delivrer contre tous et en toutes choses aus us et aux coustumes du païs, ou de France. Et promectz par mon loial créant que, contre l'eschange ou la permutacion dessusditz, par moy ne par autre ne vendray, ne feray venir ou temps advenir. Et en tesmoignage de ce, jay mis en ces presentes lectres mon seel propre, lan de grace mil CCº LXXIXº, u jour de la feste Saint Martin en esté.