Amortissement par Henri de Trie, chevalier.

A tous ceus qui ces presentes lestres verront et orront. Noble home Henrri de Trie chevalier, salut en nostre Segnor. Nos vos fesons a savoir a touz que nos, tiers segnor de lariere fief de laquarte partie de une masure assise a Geroucourt, entre la meson Richart dist Dupuis de une partie, et le jardign Robert Despeluches de autre part, laquele avec les apartenances et les redevances movant de nostre fief, Jehan le Joenne drapier borjois de Pontoise tenoit de nos en fié, la vente des devant dites redevances, des apartenances et des rentes, et de touz les drois, les quiels le devant dist Jehan avoit surs la quarte partie de la devant dite masure ; lesqueles choses le devant dit Jehan regehi devant nous, li avoir vendu, et en non de vente avoir quitié, au mestre et à la prieuse et aus freres et aus suers de la Meson Dieu de Pontoise, ferme et estable avons et aprovons, et affermons et regehisons nos avoir icele approvee et affermee. Volans et octroians plenierement que la devant dite Meson Dieu de Pontoise et les successeurs dicele aient et tiegnent toutes les choses devant dites apartenans à la dite vente a torjous en main morte delivrement et pesiblement, laquele chose nos otroions en main morte a torjors et que nos ni reclamons riens ne nos ne nos hers, sauf le droit mon seignor. En tesmoing de ces choses nos avons seelees ces presentes lestres de nostre seel. Ce fut fet en lan de lIncarnacion nostre Seigneur mil et deus cenz et quatre ving et deus, au mois dawril.