L'Hôtel-Dieu donne à cens une place vide en la Tannerie de Pontoise à Guillaume de Velly

A tous ceus qui ces presentes lettres verront et orront Dreue le Geune guarde du seel de la chastellerie de Pontoise du comandement Nostre Seigneur le Roy salut. Sachent tuit que pardevant nous vindrent en propres personnes Guillaume de Velly et Jehanne sa femme bourgeois de Pontoise, et recongnurent avoir prins a heritage... en non de pur chier cens de religieuses personnes et honestes le prieur... et les sereurs de l'Ostel-Dieu dePontoise une place vuyde si come elle se comporte... (près le jardin que) lesdis Guillaume et Jehanne ont séant à Pontoise, en la Tennerie, en la masure ou lesdis mariés demourent, tant comme ledit jardin se comporte, duques a lyaue du grant fossé par desriers ledit jardin, selonc la bourne du jardin duques a ycele yaue. C'est a savoir pour trois deniers parisis danuel cens... a poier a tousjours mes perdurablement sans quil y puissent mestre aucun empeschement, se ainssi nestoit que ladite place ne leur feust encombrée ou enpeschiée par le pourchas ou par le fet ou par le deffaut des dis religieus... Ou tesmoing de ce avons scellé ces presentes lettres dou devant dit scel, fetes l'an de grace mil trois cenz et cinc le samedy après la Tiphaine.