Règlement épiscopal relatif à la cure de St Leu de Taverny.

In N. S. et I. T. Ego Girbertus Dei gr. Parisiorum episcopus297 accepto religiosorum virorum consilio, et tocius capituli nostri consensu communicato ecclesiam Sti Lupi290 cum altari, annuente Buchardo de Monmorenciaco225, qui eam de episcopali feodo possidebat, annuente etiam Richardo Teoderici filio209 qui eandem ecclesiam Sti Lupi de Taberniaco ab eodem Buchardo in feodo tenebat, assensu etiam donni Stephani, loci illius archidiaconi, Teobaudo abbati et monachis Sti Martini de Pontisara ex caritate in perpetuum possidendam concedimus. Eo videlicet tenore ut presente sacerdote defuncto vel remoto, ab abbate alius canonice eligatur, et michi vel successori meo presentetur ac sic canonice substituatur. Sinodum vero et circadam michi retineo, debitamque illius ecclesie subjectionem minimè relaxo... Hoc autem ne oblivione possit deleri aut in irritum revocari, carte presenti commendamus et nominis nostri auctoritate et sigilli nostri impressione eam muniri volumus. S. Girberti Epⁱ. S. Berneri decani. S. Ade precentoris. S. Stephani archidiaconi. S. Henrici archidiaconi. S. Tebbaldi archidiaconi. S. Teoderici presbiteri. S. Landonis presbiteri. S. Philippi presbiteri. S. Roberti diaconi. S. Willelmi diaconi. S. Frederici diaconi. S. Hugonis subdiaconi. S. Drogonis subdiaconi. S. Alberti subdiaconi. S. Anselli pueri. S. Andree pueri. S. Johannis pueri. Actum publice Parisius in Capitulo Beate Marie. Anno Incarnationis Dominice Mº Cº XXIIº. Epacta XIª. Tebaldus cancellarius scripsit. Rege Ludovico anno XIIIº. Anno episcopatus Girberti Vº*.