Bouchard de Marly est garant du bail fait pour vingt-quatre ans par Guillaume de Chaponval de 9 arpents aux Fourches de Noisy et de la dîme que Porrois a à Noisy.
- B Bibl. nat. de France, lat. 10997, nº 162.
- a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
Universis presentes litteras inspecturis Buchardus dominus Malliaci salutem in Domino. Noveritis quod in nostra presentia constitutus, Guillelmus de Chaponval recognovit se recepisse ad firmam pro decem sextariis bladi, medietatem hybernagii et medietatem avene, septem arpenta terre arabilis sita apud Noisiacum, in territorio Furcarum a monialibus de Portu Regio, que arpenta dictus Guillelmus débet tenere per viginti quatuor annos cum decima quam dicte moniales habent apud Noisiacum, quam terram dicte a moniales habebant bone memorie Eremburgi quondam abbatissa Porregii, tali conditione : quolibet anno dictus Guillelmus tenetur reddere de stramine unam trosam apud Malliacum in domo dictarum monialium et dicta decem sextaria bladi debet adducere dictus Guillelmus ibidem in horeis monialium predictarum, quod si non faceret, tenemur ad hoc ipsum compellere faciendum. In cujus rei testimonium presentes litteras ad petitionem partium sigilli nostri munimine diximus roborandas. Actum .