Compositio inter nos et abbatem Livriacensem.
- B Bib. nat. de Fr., ms. lat. 10996, cartulaire.
- a Cartulaire de l'abbaye de Notre-Dame de la Roche, éd. Auguste Moutié, Paris, 1862.
Universis presentes litteras inspecturis, frater Yvo, dictus abbas Beate Marie de Livriaco, totusque ejusdem loci conventus, eternam in Domino salutem. Noverit universitas vestra quod cum inter ecclesiam nostram ex una parte, et ecclesiam Beate Marie de Roscha ex altera, contentio haberetur super eo quod nos dicebamus nos habere in ecclesia Beate Marie de Roscha plenariam jurisdictionem ; predictis abbate et conventu Beate Marie de Roscha predictam jurisdictionem non recognoscentibus : tandem, de consilio bonorum virorum et assensu utriusque partis, contentio in hunc modum sopita est : quod ecclesia Beate Marie de Roscha singulis annis solvet ecclesie nostre decem et octo mixtolii de guegnagio suo in grangia sua de Roscha, quod mixtolium non separabitur, nec priorabitur, nec emendabitur, et totidem sextarios avene ad mensuram de Caprosia persolvendos. Cum autem abbas et conventus Beate Marie de Roscha poterunt invenire ubi possint predictam solutionem bladi et avene infra decem leugas ab ecclesia Beate Marie de Livriaco ; nos tenebimur recepire predictam solutionem in eodem loco ubi emerint, et ecclesia Beate Marie de Roscha erit libera et absoluta a predicta solutione et ab omni alia super predictis contentione. In cujus rei testimonium et confirmationem, presentes litteras sigillorum nostrorum munimine fecimus roborari. Actum .