• A Arch. nat. , S 163-10.

• a Cartulaire de l'abbaye de Notre-Dame de la Roche, éd. Auguste Moutié, Paris, 1862.

D'après a.

Saichent tuit que nous Philippe de Lévis, chevalier, seigneur de Florensac et de Marly, confessons et recognoissons avoir eu et receu de venerables personnes et saiges, doyen et chapitre de Paris, la somme de six vins quatorze livres huit sols parisis pour les leveez de cinq anneez d'un fief de dix huit muys de vin de rente, assis à Fontenay-lez-Baigneux, tenu et mouvant de nous à cause de notre terre de Maigny Lessart. C'est assavoir, des anneez de lan mil IIII^c VI, IIII^cVII, IIII^c huit, IIII^cIX et quatre cens dix ; et esquelles leveez ils auroient esté condempnez envers nous par certain arrêt de la cour du parlement, donné et prononcé en septembre derrenier passé ; et lesquelles leveez ont este depuis tauxeez, apprecieez et avalueez a ladite somme par certains commissaires donnés par ladite cour. Desquelles VI^xx XIIII livres VIII sous parisis nous nous tenons pour content et en quittons lesdiz doyen et chappitre et tout autre a qui quittance puet et doit appartenir. Donné en tesmoing de ce à Paris, soubz nostre propre scel le XXIIII^e jour de mars, lan mil quatre cens onze.

(Scellé en cire rouge, sur simple queue de parchemin.)