- A Arch. nat., S 163-8.
- a Cartulaire de l'abbaye de Notre-Dame de la Roche, éd. Auguste Moutié, Paris, 1862.
Philippe de Lévis, chevallier, seigneur de Florensac et de Marly le Chastel et de Magny Lessart, à nos bailly, procureur et autres officiers dudit Maigny, salut. Savoir faisons que aujourd'hui, honourable homme et saige maistre Nicholas de Baye, greffier en parlement, nous a fait foy et hommaige de dix huit muis de vin de rente, prins chacun an en vendanges sur les vinaiges, voerie et rentes que doyen et chapitre de l'église de Paris ont en la ville de Fontenay lez Baigneux, Saint (sic) et appartenances dicelle ville, tenuz et mouvans de nous en fief noble à cause de nostre chastel et chastellenie dudit Maigny : à laquelle foy et hommaige nous lavons receu sans contredit. Si vous mandons et estroitement enjoignons, et à chacun de vous si comme à lui appartiendra, que pour cause dudit hommaige non fait et dadveu ou denombrement non baille, vous ne traveillez, grevez ne molestez ledit maistre Nicholas en aucune manière : et se aucun empeschement avoit esté mis en son dit fief pour cause desdiz homaige non fait et adveu non baillé, si le mecctez ou faites mettre à pleine delivrance, et lequel nous lui délivrons a plain par ces présentes. Donné à Paris soubz nostre scel, .
(Scellé en cire rouge, sur simple queue de parchemin.)