Frater Johannes Cambellan in Decretis licenciatus, Prior Prioratus et monasterii Beatæ Mariæ de Caritate super Ligerim Cluniacensis ordinis, Antissiodorensis diœcesis carissimis fratribus nostris monachis conversis et familiæ domus nostræ et Prioratus Sti Christophori in Allata , Belvacensis diœcesis, necnon universis et singulis religiosis nobis subditis salutem et fraternam dilectionem. Resignatione facta pure (?) et libere in manibus nostris dicti Prioratus dictæ domus nostræ Sti Christoforiin Allata per carissimum fratrem nostrum dampnum Guidonem de Veteri Castro vel ejus Procuratorem, nuper Priorem dicti Prioratus Sti Christophori in Allata et per nos jure nostro recepta et admissa causa permutationis et non alias facienda cum carissimo fratre nostro dampno Zacharia Parentis sacrista prioratus Sti..... Eduensis diœcesis ejusdem Cluniacensis ordinis prædictum fratrem nostrum dampnum Zachariam Parentis cui conferimus, contulimus et per præsentes donamus dictum Prioratum Sti Christophori in Allata, vobis monachis ejusdem Prioratus mandantes quatenus prædictum dampnum Zachariam Parentis aut procuratorem suum ad hoc legitime constitutum, in realem, actualem et corporalem possessionem dicti Prioratus Sti Christophori in Allata, juriumque et pertinentium suorum ponatis et inducatis, ac inductum deffendatis et in Priorem ejusdem Prioratus Sti Christophori in Allata recipiatis et admittatis, adhibitis solempnitatibus in talibus fieri consuetis, necnon in omnibus supradictis, sibi tanquam vero et legitimo Priori ejusdem Prioratus obediatis humiliter et devote et in agendis dicti Prioratus et negotiis sibi impendatis auxilium, consilium et juvamen.

Datum in dicto nostro monasterio Caritatensi, sub sigillo nostro et signo nostro manuali.

Cambellan.