Carta Petri Belvacensis Episcopi de quittatione consuetudinis vini.

Charte de Pierre, évêque de Beauvais, par laquelle il fait remise en faveur des religieux de S. Leu de son droit de forage sur leur vin et approuve le don que le chatelain Odilon et Adam son fils ont fait de leur part de forage.

B Bibl. nat. de France, Baluze 46, p. 12.

a Cartulaire du prieuré de Saint-Leu d'Esserent (1080-1538), éd. Eugène Müller, Pontoise, 1901.

D'après a.

Ego Petrus139Belvacensis ecclesiæ Dei gratia Episcopus notificare volo omnibus fidelibus quoniam Dei amore et karitatis causa, consilio ac favore canonicorum nostrorum, Ecclesiæ beati Lupi atque monachis ibidem Domino servientibus quietam clamavi et omnino condonavi omnem sui proprii vini consuetudinem quæ ad ipsum pertinebat et quæ a Belvacensibus foragium vocatur, eo videlicet tenore ut, quotiescumque Belvaci vendere voluerint prænominati fratres proprium vinum, nullam omnino consuetudinem, nullum videlicet foragium Belvacensi Episcopo persolvant.

Insuper et adjeci ut donum quod Odilo castellanus et Adam140 filius ejus Ecclesiæ beati Lupi de parte foragii quæ ad eos pertinebat, concesserant, ego ex benignitate libenter concessi. Quæ dona ut stabilia atque firmissima permanerent et ne quis successorum aliqua temeritate illa violare præsumeret, cartulam istam super hoc fieri præcepi, quam more majorum sigillo meo sigillavi. Actum Belvaci anno ab Incarnatione Domini M^o C^o XX^o IIII^o, Indictione secunda.