Carta Domini Garini Ambianensis Episcopi de pacificatione inter monachos Sancti Lupi et Montis Desiderii ratione ecclesiarum Hosmundi clerici.

Charte de Guérin, évêque d'Amiens, pour mettre l'accord entre les moines de S. Leu et ceux de Montdidier, l'évêque donnant à l'église de S. Leu où son clerc Osmond prend l'habit monastique, les deux autels d'Andechy et de Fignières, à la « condition que la moitié de ces autels passe aux religieux de Montdidier ». Suivent des imprécations contre les parjures. Cet acte fut attesté par Raoul, archidiacre, Guérin, prévôt et trésorier de l'église d'Amiens.

  • B Bibl. nat. de France, Baluze 46, p. 18.
  • a Cartulaire du prieuré de Saint-Leu d'Esserent (1080-1538), éd. Eugène Müller, Pontoise, 1901.
D'après a.

Ego Garinus142Dei gratiaAmbianensis Ecclesiæ minister omnibus in Xo renatis notificare curavi quod Hosmundus clericus duo altaria, quorum unum apud Andeciacum143, alterum apud Fenerias144 est situm, de manu nostra tenebat, qui cum monachicam vitam desideraret et ad eam habitu et auctu145 in ecclesia beati Lupi de Hesceerens se devote transferret, altaribus4 in manu nostra prius redditis, tandem petitione et assensu ejusdem clerici pulsatus dedi Deo et beatis apostolis Petro et Paulo monachisque in Ecclesia beati Lupi morantibus prædicta altaria cum rebus ad ea pertinentibus ex nostra benignitate tali tenore talique communitate perpetuo possidenda contuli, ut medietas eorum ad monachos transeat de Monte Desiderii146 et per omnia tam rebus altarium quam personatus participent. His omnibus illud addidi ut, si ab aliquibus laicis de rebus ecclesiasticis quas injuste et sub anathemate tenent, videlicet decimis, terris, cæterisque ad jus ecclesiæ pertinentibus elemosinam facere placuerit, aut etiam si redimere seu de caritate sua pro extorquendis rebus a manu laicorum tam monachos Esceranenses quam Montis Desiderienses donare contigerit, ut libere possideant, ut securius redimant, ut charitatis donum non refugiant, et præcipimus et ex apostolorum authoritate absolvimus et in posterum confirmamus, salvo per omnia jure Ambianensis ecclesiæ.

Hoc igitur donum hancque communitatem predictorum monachorum literis nostris commendavimus, atque interposito cyrographo illud in duas partes divisimus, ita ut utraque ecclesia partem cyrografi penes se habeat et utramque sigillum nostræ authoritatis confirmet et muniat.

Si quis vero hanc nostræ confirmationis cartulam violasse vel violare præsumpserit atque tentaverit, sit pars ejus cum Juda fiatque illi unum habitaculum cum Dathan et Abiron quibus ante sepelicio ..... tio contigit, et tam participatio corporis et sanguinis Jesu Xi quam cæterorum sacramentorum fiat ei venenum insanabile.

Huic rei venerabiles personæ Ambianensis ecclesiæ Radulfus archidiaconus, et Garinus præpositus et thesaurarius, multique tam monachi quam clerici donum approbantes et testificantes affuerunt.