Lettre de Jean de Poissy escuier pour de certains prez scis en la noe.

Je Jean de Poissy419 escuier fas a scavoir a tous ceus qui ces presentes letres verront que je pour le salut de m'ame et de mes anceiseurs veul et octroy que li prieur et li couvens de Monseigneur Seint Leu de Cerens tiegnent et aient perpetuelement II arpens de pres qui sient en la Noe sous les Larris420 lesquiens Felipes de Chenevieres421 escuier donna en aumosne au prieur et au couvent devant dit, et par ce que la devant dite aumosne muet de mon fié, je l'octroy et la confirme, et m'oblige a garantir la au prieur et au couvent devant dit a tousiours envers tous ceus qui la vourroient ne ne pourroient empescher fors que envers monseigneur lou Roy ; et por ce que ce soit ferme et stable, je leur ay baillées ces presentes lettres scellees de mon seel.

Ce fut fait l'an de l'Incarnation Nostre Seigneur mil deux cens et heun ou moys de Decembre.