VI. De trives fere doner.
§ 1.
L'en doit au juige montrie por trives avoir.
§ 2.
L'en dit ci que l'en doit trives fere doner à toz tens et à totes ueures (heures), ne que ce ne doit estre alongié. Car trives si est sauvement de cors d'ome et sauvement des biens desus terre, et ôte acheson que nus ne forface, et est alonguement de vie, et est espérance de pez, et garde home de péchier, et por ce que toz biens en vienent, et toz maus en doivent remenoir, ce est si haute chose que nus ne la doit aloignier, qu'ele ne soit donée en tote cort où home sera trovez.
