Cession consentie par le doyen et le chapitre de Saint-Marcel de Paris aux chanoines de Saint-Merry de 12 deniers de cens annuel, pour un legs qu'avaient fait au susdit chapitre Bernard de Saint-Victor et Ameline, sa femme, sur des maisons sises dans le terroir de Saint-Merry.
- B Bibliothèque vaticane, Reg. lat. 907, fol. 1-62, cartulaire du XIIIe ou XIVe siècle.
- a Cartulaire et censier de Saint-Merry de Paris, éd. Léon Cadier et Camille Couderc, Paris, 1891.
De decem solidis incrementi census collatis canonicis Sancti Mederici. — Ego Michael, decanus1, et capitulum Sancti Marcelli Parisiensis, notum facimus universis presentes litteras inspecturis, quod defuncti Bernardus [de Sancto Victore]2 et Amelina, uxor ejus, pro anniversario in nostra ecclesia faciendo annuatim, legaverunt nobis decem solidos de cremento census et presbiteris parrochialibus Sancti Martini et Sancti Ypoliti, xxvi denarios annuatim percipiendos in domibus suis, in terra Sancti Mederici, in Vico Novo, Parisius, que fuerunt dictorum Bernardi et Ameline, et capitulum Sancti Mederici Parisiensis habuit in elemosinam x solidos annuales incrementi census dictarum domorum, ut dictum capitulum nobis concederet, sine calumpnia, cum vendendi coactione, dictos x solidos ; et Domui Dei Parisiensi, xviii solidos ; et Sancto Antonio, ix solidos ; et domui leprosorum de la Banliue3, iiii solidos et dimidium ; et domui leprosorum de Givisi4, iiii solidos et dimidium, pacifice in perpetuum possidere. Ad cujus concessionis majorem firmitatem, pro nostra parte, eidem capitulo assignavimus xii denarios in nostris x solidis annuatim percipiendos ; ita quod, in cremento census dictarum domorum, sumus annuatim ix solidos et dicti presbiteri xxvi denarios percepturi, nichil juris, neque fundum terre, neque alias obventiones in dictis cremento census vel domibus reclamantes. In cujus rei memoriam presentem fecimus paginam nostri sigilli testimonio confirmari. .
