Confirmation de la Constitution de Louis VII, sur le nombre des religieuses de Montmartre, par Philippe-Auguste.

In nomine sancte et individue Trinitatis, amen. Philippus Dei gratia Francorum rex. Noverint universi presentes pariter et futuri, quod Elizabet beate Marie Montis-martyrum abbatissa totiusque illius ecclesie conventus unanimi assensu illud usuarium quod ex dono avi nostri Ludovici bone memorie habebant in nemore nostro de Vilcenia, videlicet unum vehiculatam de lignis mortuis singulis diebus nobis resignarunt et quitarunt ; nos autem in recompensationem illius usuarii et ob remedium anime patris nostri et nostre, prefatis monialibus decimam nostram de Auvers dedimus, et domum unam quam ibidem habemus extra nostram granchiam et extra porprisium granchie, (ut) in ea tempore messium decimam possint colligere ac reservare. — Propterea ad omnium noticiam venire volumus quod sicut pater noster piissime recordationis Ludovicus consilio sapientum constituit et precepit « ut ad sexagenarium numerum reduceretur monialium predictarum multitudo que nimis excreverat, et nulla omnino monialis in predicto deinceps reciperetur monasterio nisi urgente mortis articulo donec ad pretaxatum numerum redigerentur, et postea in locum decedentium alie subrogari possent atque constitui, ita tamen qnod numerum sexagenarium moniales devote ibidem Deo servientes nullatenus transcenderent. » Simili modo considerata racione constitutionis patris nostri idem constituimus et precipimus. — Que omnia ut perpetuam obtineant firmitatem et apud posteros inconcussa permaneant, presentem paginam sigilli nostri auctoritate, et regii nominis karactere inferius annotato communimus. — Actum Parisius anno Incarnacionis Domini millesimo centesimo LXXXIIº regni nostri anno quarto, astantibus in palacio nostro quorum nomina supposita sunt et signa. — Signum comitis Theobaudi dapiferi nostri ; S. Guidonis buticularii ; S. Mathei camerarii ; S. Radulphi constabularii. Data per manum Hugonis cancellarii.